Pagkarating pa lang ng taxi na sinakyan ni Anna sa ospital na pinagdalan sa kanyang itay, ay hindi pa ito nakakapagpark ng maayos ay bumaba na agad si Anna. Napakamot na lang ng ulo ang driver nito, sa inasal ng dalaga.
Pagkapasok ng ospital, ay mabilis na nagtungo si Anna sa information desk, para itanong kung nasaan ang kanyang itay.
Nasa isang charity room pa lang ito kasama ng iba pang mga pasyente. Bawal ang madaming bantay kaya ang mga kapatid niya ay nakita niya kaagad sa labas ng kwartong iyon.
"Noriel, Aira, kumusta si Itay?" Kinakabahang tanong niya sa dalawang kapatid.
"Hindi maganda ang lagay ni Itay, Ate. Kailangang maoperahan kaagad ni Itay, kung hindi maaaring hindi na daw makalakad si Itay. Sabi ng doktor na nagcheck up kay itay." Malungkot na sambit ni Noriel.
Gusto m
