[C]hapter Nineteen
[D]ecember 23. 7 PM
SUOT ko na ang aking suit na isinukat at pinili ni Deborah para sa akin at para sa gabing ito.
Ilang araw na rin ang nakakalipas simula noong huling pagkikita namin ni Sebastian. Ilang araw na lang at darating na ang aking amo na si Grevan.
Wala na rin kaming pasok. Nagpaalam ako kay Vince nang hindi ko sinasabi sa kaniya ang totoong estado ng paaralan namin. Pinatawag ako sa Admin pero kagaya ng sinabi sa akin ni Sebastian, alam na nilang lahat na pribado na ang paaralan; sa susunod na taon, magbabago na ang lahat. Nagpasalamat pa rin sila sa ginawa ko kaya naman pinalampas nila ang paglabag ko sa patakaran ng LHU. Dahil din sa nagawa ko, medyo maraming nakakakilala na sa akin, sa itsura at sa pangalan. Lingid sa kanilang kaalam, walang saysay
