[C]hapter Twenty
I AM with Sebastian. Nandito kaming dalawa sa penthouse floor. Kaming dalawa lang sa ilalim ng madilim na kalangitan na napupuno ng mga bituin kasama ang buwan. Sa ibaba---kitang kita ang iba't ibang kulay ng ilaw ng mga gusali at ilaw ng mga sasakyan. Kung anong ingay sa ibaba, siya naman katahimikan dito sa itaas.
"Matagal na ba kayong magkakilala ni Jakeson?" Tanong ko sa kaniya. Hindi ko alam kung bakit sumama pa rin ako sa paanyaya nilang dalawa.
Hindi naman kami umalis ng hotel. Nandito pa rin kami. Umakyat lang kami sa 12B/F, ang tawag nila doon ay The 13th Floor. Parang wala sa hotel ang palapag. Sa pasilyo pa lang ang dami ng tao---ang iba ay anak ng nasa pulong, ang iba ay mga kakilala nila o kaibigan. Lahat ay mayayaman. Natatakpan ng itim na kurtina ang bawa
