CHAPTER FOURTY
“HINDI ko na alam kung sino pang pwede kong tawagan. Ikaw lang ang naiisip ko na pwede niyang kasama ngayon. Hindi niya pa ginagawa ito noon. Ngayon pa lang kaya alam kong meron nangyaring hindi maganda sa kaniya.” Naiiyak na sabi ni Deborah. Narito kami ngayong dalawa sa living room. Pilit kong pinaniniwala ang sarili ko na hindi talaga siya ang isa pang Deborah na nasa opisina ni Grevan. Subalit sadyang magkamukhang-magkamukha talaga sila. Hindi naman pwedeng kambal sila dahil parehas silang Deborah Salvaje ang buong pagkakakilanlan. Isa pa, noong gabing nasa party ako ni Jakeson---malakas ang kutob kong nandoon din talaga siya.
Pero sa ngayon, iisantabi ko muna ang paghihinala ko sa kaniya. Mukhang seryoso talaga siya na nawawal si Sebastian. Narito pa rin sa sofa an
