[C]hapter Four
PAGDATING ko rito sa 36th F. Napansin kong nakabukas na ang pintuan nitong Rm. 212. Kumatok pa rin naman ako bago pumasok.
Studio type. Malinis. Maayos. Segregado ang lahat ng mga gamit. Nasa pagitan ng hilaga't kanlurang kanto ang isang puting kama na meron dalawang unan at kumot na lampas sa paanang parte nito. Sa tabi nito ay merong mababang cabinet na may nakapatong na kung ano mang libro. Sa hilaga nakasandal ang itim na sofa at sa likod nito ay ang nakasaradong bintana na may nakalaylay na puting kurtina, sa harap nitong sofa, may mababang glass table na may nakapatong na laptop na nakabukas pero nakatalikod mula sa akin, sa tabi nito ay may tatlong smartphones, kaha ng sigarilyo, lighter at baso na may lamang pulang wine. Nasa itaas ng silangang pader ang aircon
