Oriana Fatima’s POV
Para akong nasa isang interrogacion. Hindi ko alam kung anong sasabihin ko habang pinapanood si Damien na nakatalikod sa akin. Nakaligo na rin siya pero hindi ko pa rin nagagawang ibuka ang labi ko simula nang marinig ko mula sa kanya na may alam na siya tungkol sa buhay ko.
Wala akong masabi kahit isang salita sa kanya. Hindi ko rin alam kung paano ko siya titignan ng diretso sa mga mata niya.
Tanging pantalon na kupas lang ang suot ni Damien habang nakahawak siya sa barandilya ng terrace. Paano niya nagawang sabayan akong kumain kung alam niya na pala ang totoo? Masaya pa siya na kausap ako habang kumakain tapos nakitaan ko pa siya ng pag-aalala para sa akin pero may alam na siya.
Ibig sabihin ba no’n, mahal niya pa rin ako at wala siyang pakialam sa nalaman niy
