Oriana Fatima’s POV
Naniniwala naman ako sa sinabi ni Damien. Na hindi niya magagawa sa akin ang ginawa ni Jave noon. Una pa lang magkaiba na silang dalawa. Tarantado si Jave at siya naman ay hindi. Responsableng tao siya at halata naman kay Jave na hindi alam ang salitang responsibilidad. Parehas lang silang maloko pero alam na alam ko kung saan at ano ang pagkakaiba nilang dalawa.
Hindi ko nga sila naisip na pagkumparahin dahil una pa lang, alam ko na kung gaano sila kaiba sa isa’t isa. Kahit nga yata isang porsyento wala silang pagkakaparehas ni Jave. Alam ko sa sarili ko na mabuting tao si Damien lalo na ngayon na mas nakikilala ko pa siya.
“Ate, kailan mo pala hahanapin si Ate Yza?” tanong sa akin ni Odelia habang naglalakad kami pabalik sa burger shop. Naitanong na niya sa akin
