"Ano po ang ibig ninyong sabihin Ninong?" takang tanong niya dito.
Nagsimula ulit itong maglakad papalapit sa kanya. Nais niyang umiwas dito lumayo pero parang itinulos naman ang kanyang mga paa sa sahig lalo ng makita niya ang mga mata nitong tila nagsusumamo sa kanya. Napansin din niya ang pangingilid ng luha nito sa mga mata.
Nang makalapit na ito marahan nitong kinuha ang kanyang kamay at marahang hinalikan ang likod niyon. Tila may libo-libo na namang kuryente ang nanulay sa kanyang kalamnan dahil sa ginawa nito. Dati rati naman kapag hinahawakan siya ng kanyang Ninong hindi ganito ang kanyang pakiramda, pero ngayon ibang-iba na talaga.
Masarap sa pakiramdam na magkadikit ang kanilang mga balat pero parang mas nais ng kanyang puso iyong katulad lamang sila ng dati na walang mal
