Kabanata 9
ELEANOR
Dilaw. O kay ganda’t napakasaya naman nitong kulay na kumakatawan sa ating pag-asa’t nagkakaisang galaw.
Ito namang asul o bughaw, o kay gaan sa paningin. Yaong sumisimbolo sa kasarinlan.
Puti. Ito’y napakalinis na kulay, kaaya-ayang tignan. Kulay na siyang naglalarawan sa ating malinis na puso’t nagpapahiwatig sa pag-iibigan.
Mayroon ding berde’t kahel na miminsa’y kulay na nagbabaga sa kalangitan.
Ang huli’y mayroong samu’t saring kulay na nagdudulot ng kabanasan sa aking paningin.
Muli ay napahigit ako ng malalim na hininga.
Kay gagandang mga bikini itong nasa aking harapan at ako’y hirap pumili kung alin man ang aking isusuot.
Mahigpit na bilin sa akin ni Binibining Ariadne ay kailangan daw na ito ang isuot ko habang kami ay naririto sa paraisong pin
