Kasama ni Perlas si Zendaya na naglalakad sa labas ng Central Protego, patungong sakayan ng jeep. Nakasimangot ito dahil napagalitan ni Mr. Castoldi. Paano’y ito ang nakakuha ng pinakamababang marka sa pagsusulit kanina. Siyempre, napaghandaan na niya iyon. Nag-aral na siyang mabuti gaano man siya kaabala sa trabaho.
“Nakakainis naman si Sir. Ang hirap naman kasi ng pinasagutan niya kanina,” ingos ni Zendaya.
Nagkibit-balikat lang siya.
“Bakit ang taas na ng nakuha mong score?”
“Nag-aral ako, ano pa ba?”
“Daya naman, eh.”
“Mag-aral ka rin. Huwag kang tamad. Alam mo namang strikto talaga si Sir.”
Napabuga ito ng hangin at nanghaba ang mukha. “Oo nga. Napakastrikto at pormal. Paano kaya siya sa nobya niya?”
Kamuntikan na siyang maubo. Hindi niya alam kung paano ito sa karelas
