العهد ( الجزء الاول )

الحلقة السادسة

الحلقة السادسة

دخلنا بيت العروسه بيت متواضع وجميل كل حاجه فيه مرتبه ومنظمه الناس رحبوا بينا جدا قعدنا وبعد التعارف والدي اتكلم علشان والد معتمد مش موجود

بابا :: معتمد في مقام ابني وانا اتشرف اني اكون هنا النهارده علشان اخطبله لانه فعلا انسان يشرف اي حد يتكلم باسمه

والد حبيبه :: واحنا نتشرف يا عز بيه معتمد انسان محترم وملتزم من صغره في دراسته وبعد كده شغله غير سيرته الحلوه في المنطقه

بابا :: طب علي خيرة الله نتفق بقا علي المستلزمات الماديه

والد حبيبه :: احنا ملناش طلبات بس الي حضرتك هتقوله هيتعمل يا باش مهندس

بابا :: ميصحش حضرتك الي تقول طلباتك ده حق بنتك في الاول وفي الاخر

والد حبيبه :: ماشي يا باش مهندس المهر 20 الف والشبكه هدية معتمد لعروسته والموخر زي المهر

بابا :: تمام يا معتمد

معتمد :: تمام يا عمي كل طلبات الحج مجابه لو كنوز الدنيا مش خساره في حبيبه

والد حبيبه :: تعيش يا ابني علي البركه نقرا الفاتحه

قرينا الفاتحه والحريم زغرطوا وتاني يوم نزلت مع معتمد وعروسته ووالدتها نجيب الشبكه ولففوا امي محلات دهب القاهره بالكامل ومعجبهمش حاجه فخدت معتمد علي جنب

انا :: بقولك اي انت ناوي علي كام

معتمد :: انا معايا في الفيزا حوالي 640 الف مكافاء التخرج و نسبة اخدتها من اخر مشروع سلمته

انا :: طب اي رايك تجبلها خاتم وانسيال الماظ

معتمد :: مش هيبقوا غاليين دول

انا :: متقلقش نص تمنهم اي كان هديه مني ليك

معتمد :: مينفعش لا

سكت وبصيتله

معتمد :: بلاش البصه دي علشان خاطري انا مبعملش فرق بينا

انا :: مهو كلامك مفسر نفسه وزعلت منك

معتمد :: يا صاحبي انا

انا :: مفيش انا وانت احنا واحد وكلامي خلص ولا اكلم الباش مهندس يفهمك

معتمد :: ههههه خلاص يعم انت ما بتصدق الي تشوفه

والدة حبيبه :: في حاجه يا ولاد

انا :: لا يا امي بقول لمعتمد نتغدا الاول وبعدين نكمل

حبيبه :: ملهاش لازمه مصاريف علي الفاضي وخلاص

معتمد :: تعالي يا حبيبه اقعدي علي جنب بس

كلنا ضحكنا واخدتهم علي مطعم بنعمل فيه مقابلات الشغل

مدير المطعم :: اهلا اهلا باسل بيه نورت المطعم

انا :: منور بحضرتك

مدير المطعم :: اربع اشخاص يا فندم

انا :: ايوه بس مش شغل المره دي اخويا وخطيبته وحماته واحنا بنحتفل

مدير المطعم :: متقلقش يا فندم والف مب**ك للعروسين

معتمد :: يبارك في حضرتك

وطلبنا الاكل وشربنا كمان وصاحب المطعم جاب تورته مكتوب عليها خطوبه سعيده بالانجليزي

انا :: اي ده كله يا مستر

مدير المطعم :: هديه متواضعه للعرسان اتمني تعجبكم

معتمد :: ميرسي لذوقك جميله

خلصنا وطلعنا وحبيبة كانت مبسوطه كتيير ووالدتها منبهره بالي بنعمله والمعامله الي شايفاها اخدتهم وروحنا لواحد جواهرجي صديق بابا

انا :: عمو حاتم

حاتم :: اهلا يا بيسو وحشني اوووي يا واد

انا :: كنت سالت عليا ولا افتكرتني بساعه رولي** الماض حتي

حاتم :: يخرب عقلك يا باسل دمك خفيف

انا :: تسلم يا عمو

حاتم :: ها جاي تاخد هديه للموزه ولا اي

انا :: انا بتاع الكلام ده بردو

حاتم :: انا بقول يمكن تكون بوظت ولا حاجه بس انت انسان محترم يا باسل مش زي الخلفه بتاعتي تعر

انا :: احسدونا بقا المهم معتمد اخويا وصاحبي خطب امبارح قولتله مش هتلاقي احسن من عمو حاتم تجيب من عنده شبكه

حاتم :: طبعا طبعا انا تحت امره هو والعروسه يتفضلوا يختارو الي ها عايزينه

معتمد اخد حبيبه ووالدتها وبيختارو مع بعض وانا بشرب قهوه مع حاتم ودار بينهم الحوار الاتي

والدة حبيبه :: مش غاليه الحاجات دي يا ابني

معتمد :: مفيش حاجه تغلي علي حبيبه

حبيبه :: لا غاليه لسه فيه مصاريف كتييير اوووي

معتمد :: متشغليش بالك بحاجه واختاري الي انتي عايزاه

حبيبه :: بردو م**م

معتمد :: يلا بقولك اختاري الي يعجبك

حبيبه بفرحه :: حاضر

واختارت حبيبه خاتم وانسيال

انا :: ها خلاص يا معتمد

معتمد :: تمام دول ولا نغيير

حبيبه بصوت واطي :: شوفهم بكام الاول بس

معتمد :: ههههههه خلاص دول يا استاذ،حاتم

حاتم :: تمام الخاتم عامل 195 الف والانسيال 85 الف يعني المجموع كله 280 الف

حبيبه وامها اتصدموا وانا ومعتمد واقفين هنموت من الضحك ناس طيبين اووووي

انا :: تمام يا عمو هات الفيزا يا معتمد وزي ما اتفقنا يا عمو

حاتم :: تمام يا باسل والف مب**ك يا حضرت الظابط

معتمد :: الله يبارك في حضرتك يا فندم

حاسبنا وحاتم اخد النص من فيزة معتمد وكنت مديله الفيزا وكنت مديله الفيزا بتاعتي واحنا بنشرب القهوه وفهمته يعمل اي غير الخ** الي عمله لما بابا كلمه واخدنا ا****عه وشربنا عصير في فرغلي ورجعنا البيت

والد حبيبه :: * حمد لله* علي السلامه

كلنا :: الله يسلمك

حبيبه :: * شوف يا بابا معتمد جايلي اي

والد حبيبه :: * وريني يقلب بابا اي ده يا معتمد الماظ يابني كتيير كده

معتمد :: * هو كل ما حد يكلمني يقولي كتير حضرتم وطنط وحبيبه وبردو هقولكم حبيبه اغلي من كنوز الدنيا

انا :: * يلا استاذن انا

معتمد :: * استني جاي معاك

حبيبه :: * مش هتتعشي معايا اقصد معانا

انا :: * خطيبتك عندها حق اقعد انت وانا عارف الطريق مش هتوه انا

معتمد :: * طب اوصلك

انا :: * يا عم اترزع بقا دانت صداع سلام

معتمد :: * سلام يا صاحبي

اخدت عربيتي ورجعت البيت

والد حبيبه :: * هو باسل في سنك يا معتمد صح

معتمد :: * ايوه يا عمي مع بعض من اولي اعدادي

والد حبيبه :: * شكله محترم جدا ووالده غني عن التعريف طبعا وبيحبوك كمان

معتمد :: باسل بالنسبه ليا اخويا وصاحبي وكل حاجه انا وهو ملناش غير بعض بالاضافه لفتحي واحمد بس باسل اقرب واخد ليا فاهمني ديما غير انه وحيد زي ملوش اخوات

والدة حبيبه :: لسه مخطبش ولا ارتبط

معتمد :: * باسل مركز في الشغل وبس شغله عنده رقم واحد بس عندك عروسه

والدة حبيبه :: * عندي بنت اختي تقول للقمر قوم وانا اقعد مكانك ومهندسه بردو قد الدنيا

حبيبه :: * فعلا ادب واخلاق وجمال وكل حاجه حلوه

معتمد :: * طبعا مين يشهد للعروسه

والد حبيبه :: * خالتها وبنت خالتها

كلهم ضحكوا اتعشي معتمد وقعد شويه مع خطيبته ورجع البيت

تاني يوم في الفرع عند فتحي

فتحي :: * ازاي يا باش مهندس شريف اروح الموقع ملاقيش حضرتك والناس نايمه في العسل هناك

شريف :: * يا فندم كان عندي ظرف ووقفت مكاني المهندسه علا

فتحي :: * اه شقطوني لبعض اكلم علا تقولي انت اكلمك تقولي علا دلوقتي لما احب اخ** اخ** لمين لنفسي يعني

السكرتيره :: * المهندسه علا وصلت يا فندم

فتحي :: * دخليها هيا كمان لما نشوف

علا :: * صباح الخير يا فندم

فتحي :: قوليلي يا هندسه حضرتك كنتي في الموقع امبارح

علا :: * ايوه يا فندم

فتحي :: * اومال لما كنت هناك مشوفتش حضرتك ليه

علا ارتبكت وبصت للشريف :: كنت في الاستراحه يا فندم

فتحي :: بتعملي اي في الاستراحه حضرتك والعمال والمقاولين نايمين ومش شايفين شغلهم

علا :: اصل يا فندم .....

فتحي :: مش عايز مبرر

وطلب فتحي السكرتيره

السكرتيره :: اومر يا فندم

فتحي :: اجتماع حالا والي مش موجود خ** ثلاث ايام

السكرتيره :: حاضر يا فندم

في الاجتماع

فتحي :: انا من اول يوم قولت اننا عيله واحده بنكمل بعض والي هيقصر يبقي بيقصر في حق العيله دي وميستاهلش يكون وسطينا صح

كلهم :: صح

فتحي :: باشمهندس شريف باشمهندسه علا خ** 7 ايام استاذ ياسر

ياسر مدير الحسابات في الفرع :: اومر يا فندم

فتحي :: نفذ الخ** وانا كمان تخ**لي نص شهر

كلهم استغربوا من كلام فتحي

ياسر :: ازاي يا فندم

فتحي :: زي ما بقول لحضرتك ده جزا ليا علشان كنت واثق في ناس وخيبة ظني وده حسسني باني قصرت في وظيفتي اتفضلوا الاجتماع انتهي

كلهم خرجوا بيكلموا نفسهم اول مره مدير او مسئول يخ** لنفسه وياريت يوم ولا اتنين ده نص شهر بحاله هههههه مجنون فتحي ده

السكرتيره :: بعد اذن حضرتك

فتحي :: خير يا انسه شهد

شهد :: باشمهندسه علا طالبه تدخل لحضرتك

فتحي :: معلش قوليلها مش فاضي

علا :: مش هاخد من وقتك كتير يا فندم

فتحي بصلها شويه :: طب اتفضلي يا انسه شهد شكرا

علا :: اولا انا اسفه وياريت حضرتك تقبل استقالتي

فتحي :: استقالتك مرفوضه يا هندسه

علا :: بس انا قصرت في شغلي

فتحي :: بس متوصلش لقطع العيش اتفضلي علي شغلك

خلص فتحي شغل المكتب وخرج يمر علي المواقع

فتحي :: الباشمهندس شريف فين

شريف :: ايوه يا فندم موجود

فتحي :: قدامنا شهر واحد بس يا هندسه علي التسليم شدوا حيلكم

شريف :: حاضر يا فندم وانا اسف يا فندم علي الي حصل

فتحي :: حصل خير يا شريف

شريف :: فتحي احنا دفعه واحده وبكلمك كاخ ليه تتحمل ذنب انت ملكش يد فيه وتخ** لنفسك نص شهر الناس كانت هتتجنن

فتحي :: مبحبش املي يخيب في حد بكون مديله كل ثقتي يا شريف

شريف :: حقك عليا انا السبب متزعلش

فتحي :: ياعم اغنيها قولتلك حصل خير نص شهر يفوت ولا حد يموت يلا مش محتاجين حاجه

شريف :: سلامتك ياهندسه

فتحي :: سلام

روح فتحي الببت عنده لقاني مستنية

فتحي :: باسل باشا منورنا بنفسه

انا :: ليك وحشه يا غالي

فتحي :: انت اكتر يحبيبي

والدة فتحي :: صاحبك مش عايز يشرب ولا ياكل الا معاك ومستنيك بقاله ساعه ونص

انا :: هو انا غريب يا امي وبعدين مش هيجيلي نفس اكل وتوحه جعان

كلنا ضحكنا

فتحي :: طب حضري يا امي لحد ماخد دش واغير

انا :: البس لبس خروج علشان عايزك في موضوع مهم

فتحي :: تمام

اتعشينا وخرجنا قعدنا انا وفتحي علي الكافيه

انا :: انا سمعت انك خ**ت لنفسك نص شهر النهارده

فتحي :: ايوه حصل بس بسرعه كده

انا :: مفيش حد في الثلاث فرع او الشركه ليه سيره غيرك

فتحي :: كبر دماغك

انا :: انت ادري بمصلحتك اكيد بس مش اي حد يغلط تخ** لنفسك كده هتموت من الجوع

فتحي :: مفيش حد هيغلط تاني وعلم علي كلامي

انا :: اي الثقه دي ياض

فتحي :: انا عارف الناس الي عندي كويس

انا :: طب وعلا

فتحي :: عادي كانت هتقدم استقالتها وانا رفضت

انا :: يا سيدي عايزها جانبك علي طول

فتحي :: انت عارف اني بفصل بين الشغل وبين حبي ليها

انا :: عارف بس هيا كانت فين

فتحي :: مهو ده الي هموت واعرف انا لما سالتها بصت لشريف وبان عليها التوتر والارتباك

انا :: قصدك يعني

فتحي :: لا مش كده اقصد ان شريف كان عارف هيا فين بس مش عايزاه يقول حاجه

انا :: علي العموم عايز اسالك عن حاجه كده

فتحي :: خير يا غالي

انا :: اي رايك في سجده الي معايا في الفرع

فتحي :: بتاعت النسكافيه هههههه

انا :: هيا يا خفيف

فتحي :: بص هيا صاحبة علا اوووي وانا سمعت عنها كل خير ادب واحترام واخلاق

انا :: طب تمام

فتحي :: ناوي ولا اي

انا :: لسه مش عارف بس الي فيه الخير ربك يقدمه

فتحي :: عايز راي توكل واعملها ابوك عايز يفرح بيك

انا :: تمام يلا علشان ترتاح انت معلش اخدتك من الدار للنار كده

فتحي :: عيب يا غالي اي وقت تحتاجني هتلاقيني في ظهرك

انا :: تسلم بحبيبي

وصلت فتحي ورجعت البيت

انا :: مساء الخير يا بابا

بابا :: مساء النور يا حبيبي

انا :: ..........

بابا :: مالك ساكت ليه مش عوايدك

انا :: لا ابدا بس عايز اسالك علي حاجه

بابا :: قول يحبيبي قلقتني

انا :: هو في واحده انت مختارها ليا او حاطط امل عليها تجوزهالي

بابا :: ااااه علشان ترجع تقولي انا بحب واحده تانيه وانا اقولك يا دي يا بلاش واحرمك من الورث والكلام ده صح

انا :: اي الافلام العربي دي مجرد سوال علشان عايز اتجوز

بابا :: بجد طب عموما هو مفيش بس لو ناوي بجد بكره الصبح ارشحلك 10 تختار الي تعجبك

انا :: اي يا هندسه كل ده لا ريح نفسك انا فيه واحده في دماغي بس لسه معرفش اذا كانت بتحبني وموافقه ولا لا

بابا :: انت بتحبها

انا :: من اول يوم شوفتها

بابا :: وطبعا كانت معاك في الجامعه ومخدتش خطوه تعترفلها بحبك ولا اتكلمت اصلا صح

انا :: عرفت ازاي

بابا :: ولا انا الي مربيك وعارف خيبتك التقيله

انا :: طب قولت اي

بابا :: شوف رائيها وحكم عقلك قبل قلبك وانا موافق

انا :: شكرا اووووي يا بابا

بابا :: عشت وهشوفك عريس بس هيبقي شبكه و كتب كتاب علي طول

انا :: موافق

بابا :: ههههههه دانت واقع علي جدور رقبتك

انا :: هاه تصبح علي خير بقا

بابا :: وانت بخير يحبيبي

تاني يوم في الفرع

انا :: انسه مي المهندسه سجده تجيلي حالا

مي :: حاضر يفندم

بعد شويه

سجده :: خير يا مي

مي :: مش عارفه دخل المكتب اول حاجه طلبها انتي حتي مطلبش قهوته

سجده :: وده يدل علي اي يا محقق كونان

مي :: انك يا مرفوده يا متحوله تحقيق ويسترها عليكي يا بنتي

سجد :: عبوشكلك انا داخله ...... صباح الخير يا هندسه

انا :: صباح الخير يا سجده

سجده :: سجده حاف من غير مهندسه استر يلي بتستر

انا :: اتفضلي يا بنتي اقعدي واقفه متنحه ليه

سجده :: حاضر بلغوني حضرتك عايزني

انا :: حضرتك طب علي العموم انا عازم نفسي علي الغدا عندكم النهارده لو ممكن

سجده :: انت تنورنا طبعا يا هندسه بس ليه

انا :: اسمي باسل زميلك ودفعتك علي فكره وليه دي لما اشوف الست الوالده

سجده بفرحه في قلبها بس مبينتش :: امي ليه

انا :: يلا اتفضلي علي شغلك

سجده :: حاضر

وعدي اليوم وخرجت من الفرع عديت علي محل ورد جبت بوكيه محترم ومحل شوكلاته بس فخم بصراحه جبت سلة شوكلاته محترمه بردو وروحت لبيت سجده وصلت ورنيت الجرس وسجده الي فتحتلي وكانت لابسه دريس ازرق تحفه مزودها جمال علي جمالها*

انا :: مساء الخير

سجده :: احم مساء النور يا باسل اتفضل

انا :: شكرا اتفضلي حاجه بسيطه كده

سجده :: تعبت نفسك ليه

انا :: لا تعب ولا حاجه

سجده :: طب اتفضل

انا :: مساء الخير يا امي

وفاء :: مساء الخير ي باسل نورتنا يا حبيبي

انا :: بوحودك يا ست الكل

قعدنا لحد مسجده جهزة الغدا واكلنا وسجده عملتلي قهوه زي مبحبها بالظبط وقعدت معانا

انا :: بصي يا امي انا اول حاجه جيت النهارده ادوق اكلك وعمايل ايد*كي ثانيا انا جاي اطلب ايد سجده

من قبل اي رد او قرار خودو وقت براحتكم وفكروا وده رقم تليفوني لما تقرروا ممكن سجده او حضرتك تكلمني علشان اجيب والدي ونطلبها رسمي

سجد :: حيلك حيلك براحه علينا يا باش مهندس

انا باستغراب من كلامها :: انا اسف بس مبعرفش اتكلم كتير فقولت الكلام مره واحده استاذن انا

وفاء :: استني يا باسل

سجده :: سبيه يمشي يا امي كده وديني لاقتلك اقعد مكانك

انا :: لو مش موافقين

سجده :: مش موافقه اي يا باسل دانا مصدقت يابني

انا بذهول :: نعم

وفاء :: معلش يا باسل يابني هيا مجنونه شويه

انا :: شويه اي بس دي ضاربه خالص

كلنا ضحكنا شربت القهوه وبعديها عصير

انا :: استاذن انا يا امي بس يوم اي يناسبكم اجيب والدي ونيجي

سجده :: بكره حلو اوووي جميل وياريت تجيب الماذون في ايد*ك علي طول

وفاء :: ههههههه يا بنتي اهدي بقا الراجل يقول اي

سجده :: انتي عودتيني علي الصراحه والصراحه اخاف اتقل عليه يطفش مني وهو موز وزي القمر وبحبه

انا :: احم هستاذن انا يا امي

ومشيت من عند سجده وانا طاير من الفرحه كلمت معتمد حكيتله كل حاجه وكلمت احمد الي من يوم خطوبة معتمد مشفتهوش ورجعت البيت قولت لبابا وفرح جدا هو كمان نمت وصحيت تاني يوم نزلت ورايح الشغل

بابا :: رايح فين

انا :: الشغل

بابا :: النهارده خطوبتك وهتروح الشغل

انا :: ايوه اومال اسيب الدنيا تض*ب تقلب هناك

بابا :: انا كلمت حسن وهو هيمشي الشغل

انا :: مش هينفع اصل

بابا :: خلاص انا قولت كلمه

انا :: حاضر

بابا :: يلا روح ظبط نفسك كده ومعتمد وفتحي واحمد جايين في الطريق

انا :: هما كمان مرحوش الشغل اي خراب البيوت ده

بابا :: يلا يا لمض مش هتفرق من يوم

طلعت غيرت البدله ولبست كاجول

عند معتمد في البيت

عليا :: هو انت هتروح

معتمد :: احم اه طبعا يا عليا ده صاحبي واخويا

عليا :: ماشي

معتمد :: عليا ملكيش نصيب فيه وهو عمره ما حبك وافتكر انه موعدكيش بحاجه

عليا :: ربنا يسعده

معتمد :: طب هتقعدي لوحدك تعالي معانا

عليا :: حاضر هلبس وهاجي يا عمتو

في بيت سجده معاها حبيبه خطيبة معتمد وعلا صاحبتها

حبيبه :: انا لحد دلوقتي معرفش العريس

علا :: شاب هايل ومحترم جدا غير انه مهندس شاطر ومدير فرع شركة طاحون للمقاولات

حبيبه :: مش دي بتاعت المهندس عز والد باسل صاحب معتمد خطيبي

سجده :: هو باسل صاحب معتمد مهو باسل هو العريس

حبيبه :: بجد اي الصدفه دي داحنا وماما كنا بنسال معتمد عليه

سجده :: ليه

حبيبه :: كنا هنرشحك ليه يا اختي اتاري حضرتك مظبطه الواد من زمان

علا :: ههههههههه نصيب

سجده :: نصيب زي العسل

حبيبه :: ربنا يفرحكم ويهنيكم يا حبيبتي

علا :: ومعتمد خطيبك شغال اي يا حبيبه

حبيبه :: مهندس حربي

علا :: يعني ظابط ومهندس ماشاء الله يتمملكم علي خير ويهنيكم

حبيبه :: امين سجده ا****عه هيجوا امتي

سجده :: الساعه 1 الظهر

علا :: اومال فين دهبك يا حبيبه

حبيبه :: لا مجبتش دهب

علا :: بجد يعني ده الماظ

حبيبه :: اه الخاتم والانسيال

علا :: جمال جدا

حبيبه :: عقبالك يا قلبي ويجيلك احسن منهم

وعلي الساعه 12 اتحركت انا وبابا والشباب ووالدة معتمد وعليا وصلنا بيت سجده وكان موجود عمها واسمه حامد وخالها جاسر في استقبلنا

حامد :: نورتونا يا عز بيه وشرف لينا القعده مع حضرتك

بابا :: بالع** ده شرف ليا انا وبلاش القاب احنا بقينا اهل خلاص

جاسر بشده :: نتكلم في المهم بقا

بابا بهدوء :: طبعا اتفضل

جاسر :: احنا هنجهز بنتنا زي الشرع ما بيقول

بابا :: والشرع بيقول اي

جاسر :: الشبكه والمهر والموخر والاجهزه وال....

حامد :: جاسر اهدي شويه اجهزة اي وبتاع اي

بابا :: سيبوا يكمل يا حاج حامد

حامد :: معلش يا باش مهندس سيبك من الكلام ده

انا :: بعد اذن حضراتكم اسف يا بابا اولا يا استاذ جاسر انا جاي وشاري سجده وبالنسبه للشبكه والمهر والكلام ده كله حقها مقولتش حاجه اما الاجهزه* انا مش محتاج تجهزوها لاني هخدها بشنطة هدومها بس وبالنسبه للي عليا فانا الفيلا مجهزه من الالف للياء

جاسر :: وافرض يعني قالت انها مش عايزه تقعد في الفيلا ومع والدك

انا :: اسمعها منها

سجده :: لا طبعا احنا مش هنسيب عمو وهنقعد معاه

انا :: تمام كده نقرا الفاتحه

وبعد ما قرينا الفاتحه والزغاريت والليله دي

جاسر :: افرض يا باش مهندس سجده مكانتش وافقت تقعدوا مع والدك

انا :: يبقي كان بناقصها جواز من اساسه حضرتك استاذ حامد استاذن حضرتك انت وست الكل اخد سجده علشان نجيب شبكتها

حامد :: دلوقتي خليها بكره وتكونوا براحتكم

انا :: معلش بكره عندي شغل مهم مش هكون فاضي

حامد :: خلاص الي تشوفوه

انا :: يلا نستاذن احنا بقا

خرجت انا وسجده وعلا وفتحي في عربيتي وبابا ادي معتمد مفاتيح عربيته ومعاه حبيبه واحمد ووالدة سجده ووالدة حبيبة واتحركنا ووصلنا عند حاتم الجواهرجي

حاتم :: الف مب**ك يا باسل الف مب**ك يا بنتي

انا :: يبارك في حضراك يا عمو

سجده :: يبارك في حضرتك

انا :: عايز حاجه تليق بالقمر يا عمو

حاتم :: بس كده احلا حاجه لعروسة الغالي ابن الغالي

وجاب طقم سولتير كامل عقد وخاتم وانسيال وحلق

اول ماشفوه كلهم تنحوا هههههه

انا اي رايك في الطقم ده

سجد :: هاه نعم فين اه ده يههبل يجنننن تحفه يا باسل

انا :: ورينا بقيت الاطقم يا عمو لو سمحت

حاتم :: عيوني يا حبيبي

بعد نص ساعه سجد محتاره تختار اي

والدة سجده :: اي هتفضلي متنحه للحاجه كده قولي اي عاجبك

سجده :: كلهم حلوين يا ماما بس كتير يا باسل

انا :: مفيش حاجه كتير عليكي اختاري الي يعجبك

سجده :: اممممم هاخد ده اي رايك يا حبيبه

حبيبه :: جميل مب**ك عليكي يا قلبي

سجده :: علا اي رايك حلو

علا وهيا بتبص لفتحي :: اه جميل حلو مب**ك عليكي يا حبيبتي

سجده :: خلاص هو ده يا باسل

انا :: حاضر اتفضل يا عمو عايزين ده وشوفلي البروش الي هناك ده كمان

حاتم :: حاضر مب**ك عليكم يا غالي

سجده :: كفايه كده كتير اووي

انا :: ولا كلمه

حاتم :: البروش يا عريس

انا :: تسلم يا عمو كام كل ده

حاتم :: ولا حاجه يا حبيبي

انا :: ولا حاجه ازاي مانت عارف نظامي

حاتم :: بردو

معتمد :: خلاص ولا لسه

انا :: خلاص يا حبيبي نحاسب بس

حاتم :: الطقم والبروش عاملين 780 الف

سجده :: كاااام

انا :: هههههههه ماشي يا عمو اتفضل الفيزا اهي

حاسبت وخرجت انا وا****عه رجعنا علي بيت سجده علي بابا ما كلم المازون

حامد :: انبسطي يا سجده

سجده :: اوووي اووووي يا عمو

جاسر :: ف*جينا علي شبكتك يا سجده

سجده :: اتفضل يا خالو

جاسر :: اي ده الماظ مره واحده

انا :: وياريته من مقام سجده ده قليل عليها

وفاء :: تعيش يا ابني ده من زوقك

جاسر :: مكانش ليه لازمه يعني دي يتيمه وهترضي بقليله

حامد :: اي التخريف الي بتقوله ده يا بتاع انت

انا :: اهدي يا عمي حامد هو قال اي غلط اه علي يتيمه يعني طب مانا يتيم الام واهو لقيت ام واخت وزوجه وسجده هبقي انا ابوها واخوها وجوزها كمان ولو حكمت هكون السيف الي هيقطع رقبة اي مخلوق يفكر بس انه يضايقها او يدوسلها علي طرف

يلا يا مولانا انت نمت ولا اي

الماذون :: هاه لا معاكم يا ابني الا هو فين العريس

انا :: انا يا مولانا

وكتبنا الكتاب والكل فرحلنا الا عليا علي نظرة كاني عشمتها و*درت بيها يلا بكره تفوق وتلاقي الي يحبها وتحبه

انا :: هو انا ممكن احضن دلوقتي

سجده :: انا هموت واسال السوال ده من بدري

انا :: خش في حضن اخوك يا فواز

كلهم ضحكوا وسجده ان**فت منهم وبعد شوية بابا وا****عه مشيوا وانا استنيت ومعايا الشخص البارد الي اسمه جاسر بس مضطر احترمه علشان خال مراتي

انا :: منور يا استاذ جاسر

جاسر :: ماتقولي يا خالوا زي سجده ولا مش قد المقام

انا :: لا مش قد المقام

جاسر :: نعم

انا :: اقصد مش مقامك كلمة خالوا بتكبرك في السن وانت لسه في عز شبابك

جاسر :: بجد يا باسل

انا :: طبعا دانتا اصغر مني احنا نشوفلك عروسه بقا

وفاءه :: عروسة اي يا ابني بس ده داخل في الستين

انا :: ولا يبان عليه يا ماما الي يشوفه كده قايم نايم شاكب راكب واقف قاعد واكل شارب 30 سنه

لقيت سجده قعدت علي الارض من كتر الضحك وحماتي معاها ومبطلتش تريقه عليه لحد ما مشي

سجده :: ماما ممكن اف*ج باسل علي اوضتي

وفاء :: طبعا يا حبيبي خلاص ده جوزك

سجده :: يلا يا باسل

انا :: لا انا مبسوط مع ماما هنا

سجده :: قوم بقا عايز اوريك حاجه مهمه

انا :: ههههه حاضر

سجده :: ادخل مش هعضك انا

انا :: مضمنكيش

سجده :: ههههههه لا متخافش

انا :: اي بقا الحاجه المهمه

لقيتها قربت مني ولفت ايديها حولين رقبتي وبصت في عنيا

#*##*##**