AVERY
Laking pasasalamat ko na kaunti lang ang tao sa bangko nang pumasok ako.
Mabilis na natapos ang transaction ko, kaya nakauwi agad ako dito sa bahay. Panatag na ngayon ang loob ko, dahil hindi ko na hawak ang malaking halaga na kanina lang ay dala ko.
Kalahating oras rin ang lumipas ng dumating at kumatok si Harlen. Dala na niya ang bag ko, pati na rin ang mga damit na hinubad at suot ko pagpunta sa club ng pumunta ako doon kahapon.
"Pasok ka," nahihiyang sabi ko sa kaibigan ko.
"Okay ka lang ba, Avery?" tanong ni Harlen sa akin na ang mga mata ay mabilis na sinuri ang mukha at katawan ko.
Tumango ako. Bigla ay niyakap ko siya ng mahigpit bilang pasasalamat sa napakalaking tulong niya sa akin. Sa tuwing may problema kasi ako, palagi siyang nasa tabi ko at tinutulungan ako.
K
