AVERY
Hindi ko na hinintay na matapos maligo si Sir Xander. Agad na tumalikod ako at lumabas sa silid niya. Pinilit kong humakbang ng mabilis, kahit masakit ang buong katawan ko at pakiramdam ko ay pinupunit ang kalamnan ko sa tuwing gagalaw ako ay minabuti kong pumunta sa sala.
Hindi nagtagal, matapos ang kalahating oras, lumabas si Sir Xander na nakasuot ng jogger at itim na t-shirt. Aaminin ko, siya ang tipo ng lalaking madaling mapansin at talagang susundan ng tingin ng kahit na sinong babaeng katulad ko, pero pinili ko ang yumuko at umiwas na huwag siyang tingnan, dahil hindi ako komportable sa presensya niya sa paligid ko.
Para akong tuod na nakaupo sa sofa habang hinihintay ang lalaking tinawagan ni Sir Xander na pumunta dito sa bahay niya at magdala ng damit ko, pati na rin ng p
