AVERY
Hindi ko alam kung paano ako napunta at nakarating dito sa loob ng silid ni Sir Xander. Ang natatandaan ko lang kasi ay nakatulog ako sa veranda habang katabi siya. Ang huling naaalala ko ay sobrang pagod na pagod ako at halos wala ng lakas para tumayo.
Napa-kurap na lang ako habang masakit ang ulo na iginala ang paningin sa buong silid. Mukhang tanghali na dahil maliwanag na ang paligid at mataas na ang sikat ng araw.
Sapo ang masakit at makirot na ulo ay bumangon ako, pero napasandal sa headboard ng kama dahil umiikot ang paningin ko. Siguro ay ganito ang epekto ng alak. Ito na siguro ang sinasabi nilang hangover sa umaga kapag nagising ang isang taong uminom at nalasing.
Marami akong nainom kagabi, pero malinaw na natatandaan ko kung anong nangyari sa pagitan namin ni Sir X
