Kagaya ng inaasahan nila. Hindi matanggap ng kapatid na si Lance ang masakit na nangyari sa kaibigan nito maging ang epekto nito sa buong pagkatao nito.
"Noooooooo!" Malakas na hiyaw nito sa tuwing may makinang na bagay na natatapat rito at nakikita ang repliksyon. Maging ang mama nila ay nababahala na sa kinikilos ng kapatid. Halos limang buwan din itong na-coma.
"Hey! Ano ba? Wake up bro! Hindi pa katapusan ng mundo," sigaw niya sa nagwawalang kapatid.
"Anak! Huwag namang ganiyan," awat ng mama nila sa kaniya.
"I'm sorry mom but—."
"Please anak, intindihin ninyo ang kapatid ninyo. Alam kong mahirap para sa inyo pero mas mahirap para sa kaniya," sumamo ng mama nila na nagsisimula na namang umiyak. Napabuntong hininga na lang muna siya.
"Gusto kong puntahan si Bruce. Gusto kong ma
