Nakailang katok na si Ponyang sa pinto ng kwarto ni Clark ngunit hindi pa rin siya pinagbubukasan nito.
"Clark, sige na buksan mo na!" inis na sabi niya na hindi pa rin tumitigil sa kakakatok.
"What do you want?" singhal nito, sabay bukas ng pinto kaya napaatras siya sa gulat.
"Gu-gusto ko lang naman magpatulong sa'yo kung paano ba gamitin 'tong cellphone na 'to hindi ko kasi alam kung ano ang pipindutin."
Bumuntong hininga ng malalim si Clark. "Get inside," sabi nito, nilakihan ang awang ng pinto para makapasok siya.
Napapalakpak sa tuwa si Ponyang. Dali-dali siyang pumasok dahil baka magbago pa ang isip nito at pagsarahan siya ng pinto.
"Ito oh, ano ba pipindutin ko rito? Paano ba ito bubukas?" Hindi kasi niya alam kung ano ang pipindutin para bumukas ang cellphone. Excited na siy
