Dalawang oras din na naipit sa traffic sina Ponyang at Ice bago magawan ng paraan ng mga awtoridad na makadaan ang mga sasakyan.
Alas onse na ng gabi ng makauwi si Ponyang, hindi niya alam kung paano pa siya makakapasok sa loob ng mansiyon. Ang pinoproblema pa niya ay kung paanong hindi malalaman ni Ice kung saan talaga siya nakatira.
Tumila na ang ulan ngunit basang-basa pa rin ang mga kalsada. Tatlong bahay bago ang Vander mansion ay pinatigil na ni Ponyang ang sasakyan. Hindi siya sa mismong bahay ng mga Vander nagpahatid, iyon kasi ang naisip niyang magandang gawin.
"Dito na... nandito na tayo! Ayan na ang bahay namin," tarantang sabi ng dalaga, kinalabit niya si Ice at pilit na pinatigil sa pagmamaneho. Ang totoo ay hindi niya alam kung kaninong bahay ba ang kanilang hinintuan, nas
