"Ate Bella, may gagawin ka ba ngayon?" tanong ni Michelle kay Ponyang, pinuntahan niya ito sa kaniyang kwarto para kausapin.
"Hmm... wala naman, bakit?" tanong ni Ponyang.
Araw ng Biyernes ngayon ngunit walang pasok sa eskwela ang mga estudyante dahil holiday.
"Good. Magbihis ka na, magdala ka na rin ng damit na isusuot."
"Ha, bakit saan tayo pupunta?" takang tanong niya.
"Hindi tayo dahil hindi naman ako kasama. Kayong dalawa lang ni Kuya Clark ang aalis," sagot nito.
"Kami ni Clark? Saan ba ang lakad namin, bakit kailangan pang magbaon ng damit?" naguguluhang tanong niya.
"Hindi ako pwede ngayon, may pupuntahan kaming event ni Mommy, kaya naisip ko na ikaw na lang muna ang sumama kay Kuya Clark sa Little Angels Home Foundation," anito.
"Huh! Ano'ng gagawin namin doon? At saka ala
