┈┈┈┈◦•✩•◦┈┈┈┈
Lumipas pa ang mga oras, at hindi pa rin sumusugod ang mga kalaban. Nagtataka man si Josh ngunit hinayaan lamang niya ito. Para sa kanya ay mas mabuti na ito upang mabawasan ang takot ni Celestina, pero alam din niya na anumang oras na gustuhin ng mga ito na sumugod ay wala na siyang magagawa upang pigilan ang mga ito.
"Bakit kaya hindi sila sumusugod dito sa itaas? May hinihintay ba sila?" wika ni Celestina.
"Meron, ang pinuno nila. Hindi nila tayo inaatake dito sa itaas dahil sigurado ako na ipinag-uutos ng pinuno nila na kailangan ka nila ng buhay upang magamit ka laban kay Trenz," wika ng binata.
"Natatakot ako Jonathan, natatakot ako," umiiyak na ani ni Celestina.
Bigla namang tinakpan ni Josh ang bibig ng dalaga ng may marinig siyang mga kaluskos na nanggagaling s
