┈┈┈┈◦•✩•◦┈┈┈┈
Nanginginig sa takot si Celestina ng makita niya na nakatayo si Jonathan at titig na titig sa kanya. Parang sasabog ang puso niya sa sobrang takot habang pinagmamasdan niya ang lalaki.
"A-Alis na tayo dito, a-ayoko na dito," nanginginig ang boses ni Celestina habang ang kanyang mga luha ay patuloy na bumabalong mula sa kanyang mga mata.
"Ano ba ang nangyayari Cez? Bakit ka nanginginig sa takot?" nag-aalalang ani ni Amore at tumingin-tingin siya sa paligid.
"A-Ayoko na dito, p-please tara na," aniya habang hawak niya ang kanyang tiyan na tila ba pinoprotektahan ito sa taong nagnanais silang saktan.
Cez, ano ba talaga ang nangyayari ha?" may kalakasang ani naman ni Mary sa kanya. Muling napatingin si Celestina sa katapat ng restaurant ngunit wala na duon si Jonathan. Hind
