┈┈┈┈◦•✩•◦┈┈┈┈
Sobrang dilim na sa labas at mag-aalas otso na nga ng gabi. Nakabihis na si Josh ng kulay itim na pantalon, itim na long sleeves at itim na sapatos. May itim na uling na rin siyang inilagay sa mukha niya dahil ito ang unang gabi ng training nila Sebastian.
"Nasaan si Diego at si Lucio?" tanong ni Josh.
"Ayun, kanina ka pa hinihintay," sagot naman ni Hugo na kumakagat ng mansanas.
Pagkakita ni Josh sa dalawa niyang kaibigan ay tinakbo niya ang kinaroroonan nito pero napahinto siya at mabilis na bumalik sa loob ng malaking rest house ni Marcus.
"Hoy, gago! Saan ka pupunta?" sigaw ni Hugo.
"Nakalimutan kong magpalit ng bala, kukuha lang ako ng rubber bullets," sigaw na balik nito at nagtuloy na ito sa loob ng silid nila ni Celestina.
Inabutan niya si Celestina na napapaka
