Araw ng lunes, balik trabaho na naman. Maaga akong bumangon at gumayak. Maaga ding nagising si Jaia. Ganon naman lagi kapag magising ako, nagigising din siya. Kaya sabay na kaming maligo araw-araw. Sabay nagbihis para sa trabaho ko at siya para sa school niya. Mas okay na din yon may bonding kaming mag-ina kahit sa ganitong paraan lang. Sabay na din kaming bumaba. Sa sala lang siya nanood ng tv habang ako pumuntang kusina. Di pa yata nagising si ate kasi wala pang nakahandang pagkain sa mesa. Sa aming dalawa, ako ang mas maagang magising kapag may trabaho ako. Kaya ako talaga ang kadalasang mag-asikaso ng umagahan namin. Nagsuot muna ako ng apron bago sumalang sa pagluluto upang di madumihan ang uniform ko.
Habang nagluluto ako, paminsan-minsan kong sinilip sa Jaia sa sala kong anong g
