Lunes ng umaga at kinailangan kong pumasok ng mas maaga kesa sa regular na oras ng pagpasok ko. Ngayon kasi ang nakatalagang araw ng pagdalaw ng ama ni Apollo at Andoy na si Don Leandro Ancelmo Villegas kasama ang ilang kasapi ng board at malalaking investors sa kompanya. Hindi ko alam pero kinakabahan ako. Pakiramdam ko kasi ay makikilala ko ang taong nagbigay buhay sa taong pinakamamahal ko. Kung malaman niya kayang may namamagitan sa amin ng anak niya ay matatanggap niya ako?
Napasinghap ako sa naisip. Nakakatawa kasi wala naman kaming seryosong relasyon ni Apollo para mangamba sa pagtanggap sa akin ng magulang niya. At isa pa, walang lugar ang isang katulad ko sa mundo niya.
Napagtanto ko ang mga bagay na ito mula nang makita ko ang kabuuang pamumuhay ni Apollo. He lives in a very l
