"Ang yaman mo talaga 'no? Nakabili ka agad ng malaking lupa sa lugar na ito tapos may nakatayong bahay agad? Ang bilis naman ng pagkakagawa nito! Ang ganda!" manghang - mangha na sambit ni Zora nang dalhin siya ni Jamilla sa bahay nito.
"Huwag kang mag - alala, Zora... darating ang araw na ikaw naman ang magkakaroon ng ganito kalaki at kagandang bahay. Na ikaw naman ang magkakaroon ng napakaraming pera..." nakangiting sabi ni Jamilla.
"Sino siya?" tanong ni Jupiter nang makita si Zora.
"Siya si Zora. Iyong kaibigan ko na sinasabi ko sa iyo," mabilis na sagot ni Jamilla.
Alanganing ngumiti si Zora sa lalaki. "Hello po... magandang umaga."
"Magandang umaga," tipid na sambit ni Jupiter na ilang segundo munang tinitigan ang dalaga bago naglakad paalis.
"Sino iyon? Jowa mo?" nakangusong s
