"Panay yata ang punta mo sa bahay ng kaibigan mong si Jamilla? Ano ang ginagawa mo doon?" tanong ni aling Bakekang kay Zora nang umuwi ito.
Inilapag ni Zora ang gamit niya sa kaniyang kuwarto bago humarap sa kaniyang tiyahin. "Wala naman po. Nagkukuwentuhan lang kami. Kawawa po kasi ang kaibigan ko na iyon. Wala na po ang daddy niya. Eh nag - iisa lang po siyang anak kaya naman malungkot po talaga siya. Kaya dinadalaw ko na lang siya para naman may makakausap siya."
Tumango - tango si aling Bakeks. "Ah ganoon pala. Iyan din ang hirap kapag isa lang ang anak o kaunti lang ang anak. Malungkot. Kapag madami naman, magulo pero masaya."
"Oo nga po eh. Malungkot siya. Eh halos sa pinsan niya, lalaki kaya hindi niya maka - vibes. At saka matagal na rin po kaming magkaibigan dalawa. Mabuti nga
