"Zora! Tara! Samahan mo ako, labas tayo! Ipapaalam na lang kita sa tita mo," wika ni Jamilla nang puntahan niya si Zora sa karinderya.
"Ha? Loko, bawal 'no! Ayokong iwan mag - isa dito si tita Bakeks dahil baka mangarag siyang mag - asikaso," sagot naman ni Zora.
"Ayos lang, pamangkin! Alas dos na rin naman na ng hapon at paubos na ang paninda natin. Samahan mo na ang kaibigan mo. Kaya ko na ito. Basta ikaw na lang ang bahala sa mga hugasin, ha? Itatambak ko na lang sa lababo," wika ni aling Bakekang nang marinig ang usapan ng dalawang magkaibigan.
"Po? Sigurado po ba kayo tita Bakeks?"
Ngumiti si aling Bakekang. "Oo nga... sige na. Magbihis ka na para makaalis na kayo."
"Maraming salamat po, tita!" masayang sabi ni Jamilla.
Nagkatinginan ang dalawang magkaibigan bago nagtungo na s
