"Aalis na muna ako, ha? May aasikasuhin lang ako sa kompanya tapos diretso ako sa barangay. Saglit lang ako sa barangay tapos na babalik na ako dito..." malambing na sabi ni Brandy bago hinalikan sa labi si Zora.
"Sige mag- iingat ka. Magluluto na lang ako ng ulam natin mamaya. Huwag ka ng bumili pa," tugon ni Zora.
Muling hinalikan ni Brandy sa labi ang dalaga bago tuluyang umalis. Nakasunod na lamang ang tingin ni Zora sa papalayong sasakyan ni Brandy. Pumasok na siya sa loob ng kaniyang kuwarto at doon nahiga. Wala pang isang oras ang lumilipas nang siya ay mahiga, may narinig siyang kalampag sa gate kaya naman tumayo na siya upang tingnan kung sino iyon.
"Jamilla?"
Agad an pumasok sa loob ng bahay si Jamilla nang buksan niya pa lang ang gate. Wala itong ibang kasama. Nakakunot nama
