CHAPTER SIX
“TEKA nga,” sabi ko at piniksi ang kamay ko. “Bakit kailangan kong pumwesto sa piano mo?”
Eh kung may kama naman?
“Bakit ka ba nagrereklamo? Hindi ka naman pala marunong tumupad sa usapan bakit pa 'ko nagsayang ng oras sa'yo? Nangako kang sasang-ayon ka sa gusto ko nang walang alinlangan tapos babatuhin mo 'ko ng mga tanong?”
“Nagtatanong lang naman, ah?”
“Kung gano’n tumahimik ka na lang.”
Tinalikuran niya 'ko at inayos ang canvass at ang mga gamit niya sa pagpipinta.
Ipipinta niya 'ko? Pero bakit ako?
“Malapit na ang susunod kong exhibit, kailangan kong makagawa ng maraming art works para kumita ako nang malaki. At ikaw, Hannah, ang tutulong sa 'kin. Gagawin kitang subject sa lahat ng artworks na gagawin ko. At siyempre, wala kang choice.”
“Subject mo? Ako?” hindi ma
