"Miss Aya... masakit?" tanong ni Helena habang tinatahak namin ang baitang ng hagdanan paakyat sa ikalawang palapag.
Nilingon ko siya. "Masakit ang alin?"
"I-Iyung sampal ng Mommy mo?" paglilinaw niya. "At bakit ganoon siya sa iyo? Sampal na kaliwa't kanan agad ang bungad niya sa 'yo tapos kay talas pa niyang manalita. Hindi ka man lang niya tinanong kung bakit mo iyon ginawa..."
Natawa na lang ako sa mga tanong niya habang nasa likod ko siya nakasunod lang sa akin. "Hindi, manhid na kasi 'tong mukha ko," pabiro kong sagot. "At tungkol naman sa bakit hindi man lang siya nagtanong?"
Sandali akong tumigil at hinarap siya kaya napatingala siya sa akin habang nasa baba siya ng baitang na kinatutungtungan ko.
"Dahil wala siyang pakialam," simple kong sagot. "Hindi na siya nag-abalang tanu
