“I’M NOT in the mood for pictures,” kunot-noong sinabi ni Trixie kay Alaric nang tumabi sa kanya ang lalaki sa veranda ng ipinapatayo nitong tatlong palapag na bahay kung saan siya nito dinala sa araw na iyon. Mayamaya, itinaas ni Alaric ang hawak na camera paharap sa kanila.
Noong nagdaang araw pa hindi mapakali si Trixie mula nang makatanggap siya ng text message mula kay Fatima, ang private nurse ng kanyang biyenan. Ayon sa nurse, ilang araw na raw matamlay at hindi nagkakain ang ginang.
Sa kabila ng matinding pagkasuklam ng biyenan sa kanya, hindi niya pa rin maiwasang mag-alala para sa kalusugan nito. Napakapayat na nito nang huli niyang makita.
Alam ni Trixie na kaya nagkakaganoon ang ginang ay dahil nalalapit na naman ang death anniversary ng mag-ama niya. Taon-taon na lang ay ga
