Saktong bumuhos ang malakas na ulan nang patungo na sila Emyrose at Hendrix sa Caloocan, kaya naman umikot ang lamig sa loob ng kotse ni Hendrix.
"Sh-t," hindi mapigilan na pamomorblema ni Emyrose. Bakit ngayon pa talaga na malayo pa sila sa Caloocan. Palakas nang palakas ang buhos kaya panigurado babahain ang daan. Wala naman problema rito sa dalang kotse ni Hendrix, dahil mataas pero kung hindi titigil malamang ay stranded sila sa daan upang magpatila muna.
Wala naman bagyo sadyang maulan lang siguro, sabagay kaninang umaga maulan nga pala kaya siguro gano'n ulit ngayon.
Lumingon si Emyrose sa binata na tahimik na nagmamaneho naramdaman siguro na tumitig siya rito kaya naman nagbaling ito ng tingin sa kaniya. Tumaas ang kilay na tila nagtatanong sa kaniya ngunit sandali lang at muling
