"Ang lupit ng diskarte mo Gomez, mabilis mong napasagot ang anak ko. Nalusutan mo ako roon bata. Pasalamat ka talaga at anak ka ng kaibigan ko kung hindi may paglalagyan ka ngayon sa 'kin," wala pa rin kangiti-ngiti ang mukha ng Daddy Denmark niya, habang sinasabi niyon kay Hendrix.
"Matagal na po ako nagpaalam kay Tita Jasmine, pumayag naman po, may basbas ang pagporma ko sa anak n'yo kaya wala po kayong masasabi laban sa 'kin," tugon nito sa Daddy niya.
Napatingin si Emyrose kay Hendrix pagkarinig sa pangalan ng Ina, alam ng Mommy niya? Pero bakit kung makaasta akala mo hindi alam sino ang manliligaw niya. 'Ang mommy talaga pasimple.'
"Bakit sa 'kin hindi ka dumaan?" salubong ang kilay na wika ulit nito kay Hendrix.
"Masapak n'yo pa ulit ako nag-iingat lang," mahina lang ang pagkasab
