Hanggang sa trabaho dala-dala ni Emyrose, ang sobrang antok at pagod, na halos gusto na lamang niyang maglatag ng banig at unan sa sahig 'tsaka humilata buong maghapon.
Kahit ang ini encode sa harap ng computer pansamantalang ipinag paliban ni Emyrose dahil hindi siya makapag concentrate at bigla-bigla na lang napapasubsob ang ulo niya sa sobrang antok.
Nag-ayos na lamang siya ng mga files sa estante. Binukod ang mga latest at ang mga lumang folder hinanapan niya ng espasyo sa shelf. Inayos din niya by surname in alphabetical order ng bawat client ng sa gano'n mabilis n'yang makita kung sakaling kailanganin ng boss niya.
Nakailan na siyang sachet ng kape upang maibsan ang antok niyang diwa pero tila hindi tumatalab sa kaniya. Hanggang sumapit ang lunchtime. Ipinasya niyang hindi kumain
