CHAPTER 48
THE KILLER LOVER
JOEMAR ANCHETA
"Julia, please, huwag mo naman akong tinatalikuran at iniiwan na parang napakawalang kuwenta ko sa'yo." Si Denver. Hindi pa rin siya sumusukong suyuin ako.
Nasa harap ko siya ngunit lumagpas ang tingin ko sa kaniya dahil kay L-jay ang nasa konsentrasyon ko nang mga sandaling iyon. Mabilis na bumalik si L-jay sa loob ng kaniyang sasakyan nang makita niya kami ni Denver na nag-uusap. Hindi na siya tumuloy pang lapitan ako.
"Denver, sinabi..." nakita kong paalis na naman ang sasakyan ni L-jay. Hindi ko na nagawang ituloy pa ang dapat sasabihin ko.
Dinaanan ko lang si Denver na parang wala akong nakita. Gusto kong pigilan si L-jay sa kaniyang pag-alis ngunit nakatatlong hakbang palang ako para lapitan siya ay tuluyan na siyang na
