KABANATA 47
ALLISON'S POV
Malakas ang kabog ng dibdib ko habang tinatahak ko ang daan patungo sa VIP room ng Illinois Five Star Restaurant. Nagpaiwan sa lobby si Myca. Hindi ko talaga itinanong kung ano ba ang background ng lalaking tinutukoy niya. Hindi ko tinawagan si Aamon dahil ayokong isturbuhin siya. Parang ang hirap ibalita sa kanya na makikipagkita ako sa ama ng anak ko.
Tumigil ako sa harap ng isang lalaki. Diretso akong nakatingin sa pinto na nasa gilid niya. Ito ang pinaka dulo at alam kong ang silid na ito ang tinutukoy ni Myca sa akin. May anim na bantay sa labas at puro nakasuot ng black tuxedo. Pero kahit mukha silang mga hindi mapagkakatiwalaan ay hindi ako nakaramdam ng kaba.
"State your name," matigas na utos ng lalaki na mukhang lider nila nang tumigil ako sa harap
