“SWEETY, ano ba kasi’ng masakit sa ’yo?” Panay ang hagod ni Josh sa likod ni Eloiza habang suka ito nang suka. Pati ang dalawang anak nila ay nakatayo sa labas ng banyo at worried din sa kanilang ina.
“Dad, dalhin na po natin si Mommy sa ospital.”
“Yes, son. Kumain muna kayong dalawa para may laman ang tiyan ninyo saka tayo pupunta sa ospital.”
Nahimasmasan na si Eloiza saka naghilamos at humawak sa mga bisig ni Josh.
“Honey, ano ba ’yong amoy na ’yon? Ang baho.”
“Anong amoy ba, sweety? Amoy naman ng mga pagkain ang naaamoy ko. Gusto mo na bang kumain? Halika na at para makapunta na tayo sa ospital.”
Pero nang malapit na sa dining table si Eloiza ay naduwal na naman siya. Binuhat na siya ni Josh at itinakbo sa banyo at doon ay sumuka na naman ito. Wala na itong maisuka dahil siguro w
