AS time goes by ay naging maayos naman ang takbo ng kani-kanilang buhay lalo na ang pamilya Arellano.
“Ano na naman kaya ang problema ni Darrell? Aba’y wala na yatang araw na hindi binubulyawan si Belinda,” ani Darwin sa pagitan ng paghigop ng kape isang umaga sa kanilang malaking sala.
“Iyan ang malaking katanungan na hindi natin masasagot, unless na magsalita si Darrell kung ano ang dahilan niya at lagi siyang galit kay Belinda,” tugon naman ni Lorie sabay dampot sa newspaper na nakapatong sa lamesa saka naupo sa tabi ng asawa at humigop na rin ng kape.
“Isa pa ang batang si Greg, asawa ko, halos hindi makita dito sa bahay. Lagi siyang nasa gymnasium niya ’tapos madaling-araw na yata umuuwi. Hindi pa naman tayo namumulubi para kumayod siya na kayod-kalabaw,” muling ani Darwin na siya
