Pumasok si Santi sa kanilang gate bitbit ang dalawang supot, isa pagkain ang laman, habang ang isa ay gamot para sa kaniyang ina at sa kasama nito sa bahay. Pagkapasok niya sa loob ay naabutan niya ito na nakabihis at ang kasama nito na si Pasing ay naka-bihis rin at nag-aayos ng bag, mukhang may lakad ang dalawa. Ganoon pa man ay hindi niya pinansin at inilapag na lang ang pagkain sa may mesa.
"Ma, may dala akong pagkain at gamot mo. Kumain na kayo rito." alok pa nito, pero nang hindi siya pansinin ng dalawa ay napakunot ang noo niya at hindi na naiwasan ang magtanong. "Anong meron? aalis kayo?" tanong niya kaya naman ay napalingon ang kaniyang ina na si Corazon.
Hindi pala siya nito napansin kaya agad na napangiti ng makita siya. "Anak narito ka na pala." masayang sabi pa nito bago b
