Nanlaki ang mga mata ni Raul nang makita ang kaniyang kapatid na si Corazon at katabi ni Ruby habang naglalakad sa altar.
Ang paligid din ay nabalot ng pagkagulat lalo na yung mga tao na kilala ito. Pakiramdam ni Raul ay biglang nanigas ang kaniyang katawan. Hindi siya makagalaw at tangging nakatingin lang sa kaniyang kapatid at kay Ruby na patuloy na naglalakad papunta sa altar.
Nagtama ang tingin nila ni Corazon. Nagbago ang itsura nito. Ibang-iba sa Corazon na huling nakita niya na parang kinakain na ng kaniyang sakit. Ngayon kung titignan ito ay tila bumalik ang dati nitong itsura, itsura noong bata pa sila.
Bakit siya nandito?
Iyan ang unang katanungan kay Raul.
Napaka-imposible na mag-punta siya rito para ihatid ang babaeng hindi naman niya kilala.
Si Ruby, plano ito ni R
