"Pasing gawan mo nga ako ng orange juice, yung fresh ha?. Saka pagawa sa chef ng club house para sa mga amiga ko mamaya." utos ni Evelyn kay Pasing na ngayon ay abala sa pag-aayos ng sala dahil may laro si Evelyn at ang mga kaibigan niya mamaya ng mahjong.
Mahilig pa naman itong magpasikat sa mga amiga niya. Kailangan maganda ang setup ng sala, nakalabas ang mga mamahaling kubyertos na binili pa sa ibang bansa, maraming pagkain at ang pinakamamahalin na mahjong set ang kanilang gagamitin. Every week ay may pa-mahjong siya sa mansion na dinadaluhan ng mga asawa rin ng mga kasama ni Raul sa Partido.
"Magpapa-parlor muna ako, magpapa-makeup para naman ay bonggang-bongga ako mamaya. Kailangan I feel relaxed at mahirap maglaro kung wala sa kundisyon. Hindi ba?" tanong niya pa kay Pasing.
