NAPALINGON siya nang marinig niya ang boses ni Gelbirth galing sa likuran niya.
"Bakit?" kaagad na tanong niya sa lalaki. Hindi ito sumagot, lumakad ito pabalik sa kinakaupuan nito kanina, kung saan nasa harap niya.
"S-sino iyong tumawag?" hindi makatiis na tanong niya.
Nag-angat ng tingin si Gelbirth sa kanya, minasdan siya nito muna at binalik ang mga mata sa may bowl.
"Nothing important, are you done?" seryosong tanong nito.
Napalunok siya at napatingin sa may bowl niya. Halos maubos na niya ang laman niyon at nakain na rin niya ang puto.
"Almost, bakit?"
"Kailangan na nating umalis dahil baka gabihin tayo," sagot nito at saka tumayo.
Tumayo na rin siya at walang imik na lumapit sa may gawi ng lalaki at nilagay niya ang kamay sa braso nito.
"Ayos ka lang ba?" malumanay na t
