TUMIGIL sila sa harap ng mataas na hagdan, nilibot niya ang tingin sa paligid at hindi niya maiwasang mamangha sa nakikita, kung maganda ang labas ng bahay mas maganda sa loob. Kung hindi niya lang na pigilan ang sarili baka napasinghap siya pero ayaw niya naman ipahiya ang sarili at si Gelbirth.
“Pinalinis ko na ang dating silid na tinutuluyan mo kapag narito ka.” Narinig niyang sabi ng matanda kay Gelbirth tapos bumaling ang tingin nito sa kanya.
Kahit kabado ay marahan siyang ngumiti rito, nakita niyang minasdan uli siya ng babae mula paa hanggang ulo at nang makuntento na ito ay binalik nito ang tingin sa mukha niya.
“Ang magiging kwarto naman ng nobya mo ay sa guestroom–”
“Lola, pwede naman po kami mag-share na lang sa kwarto ko,” putol ni Gelbirth sa sinasabi ng matanda.
Napak
