Chapter Eight
KYLA
GUSTO kong sugurin si kuya dahil sa mga narinig ko.
“Anong dahil sa kuya ko?” pinilit kong maging kalmado lang sa harapan niya.
“Nakausap ko siya kahapon,”
“Paanong nakausap mo siya kahapon?”
“Pagkahatid ko sayo kahapon ay nagtanong-tanong ako sa mga tao kung saan ang bahay niyo. Eh nasa tindahan siya, kuya mo pala siya kaya naman sinabi niya lahat sa akin,”
Napasapo ako sa aking noo dahil sa mga nangyayari. Si Kuya Kiel ang salarin.
“So, anong kailangan mo sa akin at kailangan mo pa akong puntahan ngayon dito?”
“Ayun na nga, itatanong ko lang kung napag-isipan mo na ang maging kaibigan ako,” sagot niya.
Nakangiti siya sa akin. Ang mapuputi at pantay niyang mga ngipin ang nagdadagdag ng liawanag sa kanyang gwapong mukha. Tumigil din yata ang pagdaloy ng dugo
