الحلقة العاشرة. #سيف_جهنم
2694 Words
#حكايات_ارض_السلطان
#الملحمة_الثانية
#الحلقة_العاشرة
#سيف_جهنم
نجد :: اديلك ساعة عما تلفي وتدوري جوليلي عتدوري علي ايي يكن اجولك .
هند :: اني عدور عليكي و چايالك .
* نجد بصت ل هند بشك *
نجد :: السمس لساتها حامية معجولة چيتي من ارض السلطان لحد هني وانتي عتدوري عليا و وصلتي دلوك بس ؟ دة انتي اديلك ياما ف الچبال حواليا هني ، كأيوانك چاية طوالي ل هني عشان تدوري عليا .
هند :: متجلجيش محدش جالي علي مكانك اني مريداش شر ، ومعيزاش غير اتحدت معاكي وبس .
نجد :: خير يا بت السلطان ، عايزاني ف ايي ؟
هند بدهشة :: وعرفتيني كييف دية نص البلد متعرفش شكلي !!!
نجد :: شوفتك من مدة من بعيد وانتي عتراجبي ولد السلطان و هو عيدور عليا بس مطلتش ف ملامح وشك ، وجلت تلاجيها واحدة من اهل البلد بتچري وراة اكمنة ولد السلطان ، و دلوك لما طليت فيكي عرفت انك اختة ملامحك كلها منية بس انتي وشك كييف البدر .
هند :: تمام كييف ما جال عليكي ل**نك حامي بس حديتك كلة صوح .
نجد :: چاية لية يا بت السلطان !!؟
هند :: عايزة اعريف انتي مين واصلك ايه ، انتي صحيح سحارة ولا انتي من الهچامة ولا يمكن چنية ، ولا حكايتك ايي !؟
نجد :: بجا بت السلطان چاية بنفسها عشان تسألني السؤالات دي ، انا هعتبرك ضيفة عشان انتي ف ارضي .
هند بصت حواليها بدهشة :: ارضك !!!
نجد :: متستغربيش يا بت السلطان ، اهي الارض دي ولا هي ف حكم الهچامة ولا ف حكم السلطان ، ديي ارضي و مفيش فيها غير حكمي اني ، واخوكي لما لجيتة اول مرة اعتبرتة كان غريب ومكتش اعريف هو من فين ف عاملتة انيه ضيفي وجومت معاة بالواچب .
هند :: اللي عملتية مع اخوي دين هيفضل دين ف رجبتي ل يوم الدين .
نجد :: اني معيزاش يكونلي دين عند*كم .
هند :: طب جوليلي انتي حكايتك ايي بالظبط ؟
نجد :: ولا حكاية ولا حاچة اني مش سحارة ولا چنية ولا حتي من الهچامة .
هند :: اومال حكايتك ايي ، وكييف عايشة ل حالك كييف ما جلتي ل فخر ؟
نجد :: عايشة زي ما انتي عايشة ف جصر السلطان ، اني هني عايشة بعيد عن خوف الهچامة ، وبعيد عن حكم السلطان اللي الخلج عتهابة و راضية بظلمة وخلاص نسية ان كلاتنا احرار ومعدش فية عبيد يرضو بظلم اسيادهم ، اني عايشة هني عشان معيزاش اعيش ف ظلم وجسوة ارض السلطان ، او خوف و*در چبل الهچامة ، اني حرة كييف الارض اللي اتولدت فيها وتراب الارض ديه هيفضل شاهد عليا لحد ما تحين ساعتي .
هند :: كل ديه شايلاة ف جلبك يمتنا ، مين جالك ان فية ظلم ف ارض السلطان ، احنا ارضنا مفيهاش غير العدل والخير والكل راضي بحكم ابوي و من جبلة چدي وجبلهم چدودي وكل نسلنا .
نجد :: الظلم المداري اكبر من الخير اللي ظاهر ، روحي ل ابوكي و اسألية كان فين عدلة لما صبية يدبح اهلها كلاتهم وهي تتخ*ف ل اچل يدبحوها هي كمان عشان يفتحو مجبرة مساخيط ، خلية يجولك كان فين العدل والخير و هو عيمل ايي و هو سلطان الرچال اللي الكل بيهابة ..
هند :: الحديت دية حوصل صوح !!!
نجد :: معدش فية حديت تاني ، روحي ل حال سبيلك وافتكري اللي عميلتة ل اخوكي و صوني السر ومتخليش حد يهوب ناحية اليمة دي واصل .
هند :: اني لازم اروح دلوك و مهجولش لحد واصل علي المكان ديه ، بس اعميلي حسابك هستنظرك هني بعد سباج المرماح بيوم ، تيعرفي سباج المرماح اللي بيتجام حدانا ؟
نجد :: مفيش فارس مايعرفش المرماح واصولة ، بس متعادويش تاني هني اني معيزاش حد يأجي هني تاني واصل .
هند :: اني مهغصبكيش علي حاچة اني هچيلك بعد المرماح و لو بدك نتجابلو تعالي مريداش متچييش ، سلام يا ..... انتي اسمك ايي صوح ؟؟
نجد :: اسمي نچد .
هند :: جلبك واخد من اسمك كتير ، سلام يا نچد .
نجد :: دلوك هغمي عينك بحتة الجماشة دي وهرچعك مكان خدتك حصانك لساتة هناك خدية وارچعي ل حالك
هند :: ماشي يا نچد اني خابرة انك مهتامنيش كدي بالساهل .
* نجد حطت الغمامة علي وش هند وخرجتها من المقبرة وفضلت تلف بيها شوية عشان متحفظش المسافة بين الحصان والمقبرة وبعدها راحت ل مكان حصان هند وشالت الغمامة *
نجد :: دلوك تجدري تروحي ل حالك .
هند :: ماسي يا نچد وزي ما جلتلك هستنظرك بعد سباج المرماح بيوم هني ف نفس المكان ولو مريداش تيچي اني مهغصبكيش وعهد عليا مهطلعش سرك ل مخلوج ابدا
* مشيت هند و نجد راقبتها ومشيت وراها بالحصان لحد ما اطمنت انها دخلت حدود ارض السلطان وبعدها رجعت تاني ل مقبرتها .
____________________
_______________
يوم قبل سباق المرماح
________
*مركز المحافظة
______
*السوق
*هند بتلف مع حميدة والستات عشان يشوفو باقي الحاجات اللازمة وكل مرة مش بيطولو عشان يلحقو يرجعو قبل النهار ما يخلص بسبب بعد المسافة عشان كدة بيروحو كتير *
هند :: روحي يا خالة حميدة شوفي بتاع الجزاز عيمل الحاچة ولا لساتها مچاتش واني هروح لدكان الجماش اشوفة خلص الحاجات اللي جلتلة يفصلها ولا لسة .
حميدة :: ماشي يا ست هند احنا مهنتاخروش عليكي .
* مشيت حميدة وباقي الحريم وهند وقفت عند محل القماش وكان ادهم موجود ، اول ما شافها قام عشان يخرج من المحل ويمشي *
هند :: چرا ايي هو كل ما هأجي هتهمل الدكان كدي لاااه بلاها شرا من عيند*كم واشوف باجي السوج ، محدش هيستتجلنا كدي .
ادهم وقف وبصلها :: انا مش عايز ازعلك ولما حسيت اني ضايقتك بكلامي مشيت ومش عايز اضايقك تاني باي كلمة ف عشان كدة همشي .
هند :: يعني مچيتي بجت تجيلة عليك .
ادهم :: والله انا من اول مرة شوفتك وانا عيني مبتفارقش الشارع عشان المحك لو جيتي وعديتي بالصدفة .
هند :: اد*ك رچعت لحديتك اياة .
ادهم :: عشان كدة عايز امشي عشان طول ما انتي قدامي مش بقدر اكتم اللي انا حاسس بية .
هند :: لاااه انتا خليك بس بلاها الحديت دييه والا همشي ومهچيش هني واصل .
ادهم :: لا لا وعلي اي اتفضلي دة انا مصدقت انك نورتيني .
هند :: الحاچة اللي طلبتها المرة اللي عدت خلصت ولا لاااه ؟
ادهم :: كل اللي طلبتية خلص انا كل ليلة كنت بسهر اشتغل فيهم بنفسي .
هند :: اومال الولا كريم معميلهمش لية ؟
ادهم :: ودي تيجي حد يعمل حاجتك غيري ، كل اللي طلبتية اتعمل و زيادة كمان كفايا انك مقطعتيش بينا و نورتي المكان تاني .
هند :: طب فينها الحاچة .
ادهم :: طب اتفضلي اقعدي الاول .
هند :: مهينفعش اني مستعچلة وعايزالحج الحريم عشان نخلصو جبل السمس ما تروح .
ادهم :: اصل التوب اللي طلبتي من كريم يفصلة لسة مخلصش انا خلصت كل حاجة وخليت دة للاخر عشان واضح انك محتاجاة ل حاجة مهمة وكبيرة ، ف قلت اشتغل فية ف الاخر وكمان عشان اعملة بالشكل اللي يرضيكي .
هند :: يا ادي الوجعة الطين ، دية اني كت هلبس التوب ديية ف المرماح بكرة .
ادهم :: بكرة !! وبعدين مرماح اي ، انتي قصدك علي سباق الخيل اللي بيقولو علية ، بس دة للرجالة مفيش ستات بتحضر يعني .
هند :: ومين جال اني هبجا ف المرماح ذاتة ، بس اني هستقبل حريم الضيوف اللي هيأچو حدانا بكرة وكت هلبس التوب ديه بكرة .
ادهم :: خلاص انا هشتغل علية دلوقتي وهخلصة النهاردة .
هند :: ممنوش فايدة اني مجدرش استنا لحد السمس ما تروح .
ادهم :: طيب ابعتي اي ست تاخدة بكرة الصبح انا هفتح بدري عشانكم .
هند :: مهينفعش الضيوف عتاچي من طلعة السمس والحريم مهتلحجش تأجي هني وتعاود البلد تاني .
ادهم :: بس لو تقوليلي فين ارض السلطان بتاعتكم دي ، انا سألت عليها محدش يعرفها .
هند :: جلتلك جبل سابج احنا ف الطريج الغربي ف جلب الصحرا ، مالناش طريج معروف ومهيچلناش اغراب .
ادهم :: طب الحل اي دلوقتي ، ولا ينفع تستني ولا ينفع تبعتي حد بدري !!
هند :: خلاص اني هلبس اي حاچة تانية .
ادهم سكت لحظة و هو بيفكر بعدها اتكلم :: انا اسف والله مكنتش اعرف انك مستعجلة علي التوب كدة .
هند :: خلاص هات باچي الحاچة .
ادهم :: من عينيا ، بس واضح من طلبك فية انة مش ل واحدة عادية ، دة توب يتفصل ل مرات شيخ قبيلة او ملكة من ملوك العرب .
هند :: ابوي سلطان الرچال ملوك الدنياا كلاتها متچييش فية حاچة .
ادهم :: اللي يكون عندة بنت بالجمال والقوة دي اكيد راجل مفيش زية .
هند بابتسامة :: اد*ك رچعت تاني لحديتك ، هات الحاچة خليني ارچع للحريم .
ادهم دخل جاب كذا شنطة وطلع بيهم :: واد يا كريم شيل الشنط دي وتخليك مع ست البنات توصلهم لها لمكان ما تعوز .
هند :: الحساب كام بجا ، النوبة اللي عدت كريم جالي الحساب بيكون معاك .
ادهم :: لا المرة دي علينا .
هند كشرت :: بايني همشي ومهعاودش تاني واصل ومعيزاش مينيك حاچة .
ادهم :: لية بس كدة خلاص خلاص اهدي .
هند :: اني بت سلطان الرچال ، اصل الكرم والچود ، ابوي مربنيش اخد حاچة من حد واصل .
ادهم :: ونعم الرجال ، حقيقي شوقتيني اعرف الراجل العظيم دة .
هند :: ماشي جولي بجا حسابك كام ؟
* ادهم حاسب هند وهي مشيت كام خطوة وادهم واقف مكانة باصص عليها ، ف ندة عليها وقفت و لفت وشها ف اتحرك ناحيتها *
ادهم :: انا عارف انك ممكن تضايقي ومتجييش تاني بس انا مش قادر مقولكيش اني معجب بيكي اووي ومن لحظة ما شوفتك و صورتك مبتفارقش خيالي لدرجة اني بقيت بنام واحلم بيكي طول الوقت ، انا شوفت ف السوق دة اشكال و الوان وشوفت ستات وبنات بعدد شعر راسي فيهم اللي كانت بترمي نفسها عليا وفيهم اللي كانت بتوسط حد عشان ابصلها وفيهم و فيهم ، لكن عمر ما في واحدة هزت شعرة فيا لحد ما شوفتك وحالي اتبدل بقيت حد تاني طول الوقت سرحان ف نظرتك وضحكتك وحتي تكشيرتك وزعيقك ليا ، عارف انك دلوقتي ممكن تشتميني وصدقيني مش هقدر ارد لاني ماليش حق اقولك كل دة لكن مش قادر امنع نفسي وحسيت اني لازم اشيل الجبل دة من علي قلبي وايا كان اللي هيحصل هتحمل النتيجة .
* هند كل دة باصة ومش بتتكلم ، ادهم خلص كلامة وبصلها لكنها سكتت ومتكلمتش ف لف وشة ورجع المحل وهي فضلت واقفة مكانها اكتر من دقيقه لحد ما لقيت حميدة والحريم جايين عليها ف تمالكت نفسها ومشيت معاهم *
* ادهم بسرعة وشوش كريم الصبي اللي معاة ف خرج جري وبعدها ب شوية رجع كريم و وشوشو ف ودنة ف ادهم ابتسم *
#ارض_السلطان
________
* جبل الهچامة
___________
* مكان تجمع الهجامة في مغارة كبيرة في قلب الجبل *
حسن :: كلة تمام يا ديبة كل حاچة چهزت ل اچل المرماح وبضاعة الافيون اتجسمت علي الرچالة اللي هنبيعها بكرة ل ضيوف ارض السلطان .
ديبة الجبل :: زين ، المهم مفيش نفر من الرچالة يعادي رچالة ارض السلطان او ضيوفهم معيزينش مشاكل مع سيدنا سلطان بكفايا اللي چرا.
حسن :: اللي تؤمري بية يا ديبة.
ديبة الجبل :: روحو نامو يا رچالة عايزاكم من جبل طلعة السمس تروحو علي ارض السباج ، وانت يا حسن استنا يا واد رايداك هبابة بعد الرچالة ما تخرچ.
* الرجالة كلهم خرجو من المغارة واتحركو وسط انفاق الجبل عشان يروحو اماكن نومهم *
حسن :: خير يا ديبة في حاچة تاني عايزاها ميني ؟!
ديبة الجبل :: مالك يا واد من يوم ما روحنا ل نچد وانت متغيير جوي يا واد مبجتش توچع راسي بحديتك اللي مهيخلصش ، ايه اللي حوصل يا واد ؟
حسن ( بحزن ) :: اللي حوصل كتير جووي يا ديبة.
ديبة الجبل :: احكي يا واد متخلنيش اجوملك .
حسن :: حوصل اني عشمت حالي اني هشوف الدنيا ونعيمها اللي كان نفسي اعيشها زي باجي الخلج ، وشوفتها جدامي وخ*فت جلبي بعيون ( نچد ) اللي طلتها خلتني كييف العيل الصغير ناسي الدنيا باللي فيها ومشايفش الا عنيها ، ولما سمعت حسها دوبت كييف حبة الملح ومبجتش واعي لحالي ، كأيوانها زهرة نابتة ف وسط الصخر ،بلت ريجي بطلتها وهمتلني عطشان لعنيها اللي كيييف الجمر ف عتمة ليل مالوش اخر ، بس معريفش اني غلط ف ايييه ف حديتي معاها خلاها تنفر مييني ، ومتخلنيش اعاود اشوفها من تااني .
ديبة الجبل : ياااا يا ولدي كل ديي مخبييىة ف جلبك .
حسن :: ويفيد باية الحديت والجلب بيصرخ م الوچع.
ديبة الجبل :: حبيتها يا وااد ؟
حسن :: سرجت جلبي ومبجتش شايف ولا عايز اشوف غيرها كت الاول اروح الموالد اشوف الغوازي يزغللو العين واجول ميتا يكونلي ونيس بدل عيشة اليتم اللي عشتها عمري بطولة ، اول ما عيني طلت علي نچد شوفت دار وعيال و ونيس يشاركني وحدتي.
ديبة الجبل :: طب استهدي بالله واني هميل دماغها هي صحيح كييف الصخر بس اني امها وهليين دمااغها .
حسن بتماسك :: جوليلي يا ديبة اييه اللي ف راااسك ، اني خابر ان في حاچة شاغلاكي.
ديبة الجبل :: جلبي مش مطمن لسباج المرماح المرة دي ؟؟
حسن :: ليية يا ديبة ما كل حاچة ماااشية كيييف ما جلتي ومفيش نفر ف الهچامة ولا حريم الغچر يجدر ي**ر حديتك .
ديبة الجبل :: مشايلاش هم الرچالة اني شايلة هم الديبة الصغيرة اللي ربتها وباينتها هتجييد ارض السلطان بناار تحرجنا كلاتنا .
حسن :: والعمل يا ديبة ؟؟
ديبة الجبل :: تروح دولك تاخد نفرين معااك تجولهم دي اوامر الديبة وتوصل علي حدود ارض السلطان من يمتنا وتستنظر هناك انت والرچالة وكل واحد ينام هبابة بس توعو ل اي نفر خارج من يمتنا ناحية ارض السلطان ، ولو وعيو ل نچد متخليش نفر يجرب منيها وجولها اوامر امك انك ترچعي من مكان ما چيتي.
حسن :: وهي هتسمع الحديت اللي هجولهولها ؟
ديبة الچبل :: لو حكمت اربطها واكتم خشمها عشان مفيش نفر يوعا ل حديتها .
حسن :: بجا عايزاني اربطها واني ليل نهار احلم اشوفها واطل ف وشها اللي كييف البدر ف تمامة.
ديبة الجبل :: انشف يا وااد البت عايزة راچل صلب.
حسن :: امرك يا ديبة.
* خرج حسن من مغارة ديبة الجبل عشان ينفذ اللي طلبتة منة **
_______
*ارض السلطان قبل الفجر بساعة *
* اسطبل الاحصنة قصر السلطان*
*فخر واقف بيطبطب علي رقبة حصان اشقر و دخلت هند لقيتة واقف كدة *
هند :: لساتك صاحي ليية يا فخر بكرة يوومك طويل جوي ، اني صحيت عشان اصلي ركعتين حاجة وادعيلك ربنا يوفجك ، واني رايحة اتوضا طليت علي باب اوضتك لجيتة مفتوح ومحدش فيية جلت يبجا چافاك النووم ونزلت الاسطبل لجيتك اهو.
فخر :: انام ازاي ف ليلة زي دي انا مش عارف ازاي الصبح هكون راكب حصان وبنافس فرسان من قري ومحافظات مصر اللي بيتدربو بقالهم سنين وبيستنو اليوم دة وكل مرة بينافسو يعني عندهم خبرة ومهارات اكتر مني.
هند :: انتا حداك اللي مش حدا نفر منيهم.
فخر :: حاجة ايه اللي عندي مش عند حد ؟؟
هند :: انتا ولد السلطان و چدك الحارس اللي حارب الانچليز وطردهم من بر الصعيد كلاتة ، انتا من نسل اسود الصحراء رچالة من اولهم ل اخرهم و دلوك انتا اللي عليك الدور يا تعييش راچل وتچيب ل عيلتك الفخر كييف اسمك وتحاول لحد اخر نفس ، يا تاخدها من جاصرها وتلم خلجاتك وترحل علي مصر وتكمل عيشتك هنااك ، وان كان علي سباج المرماح ، مفيش اكتر من الرچالة ف ارضنا والف من يتمنا يچيب الفخر ل ناسة.
فخر :: تعرفي لو كنتي قلتي الكلام دة قبل الليلة اللي اتصبت فيها بالرصاصة كان هيبقي ردي التلقائي اني همشي واسيب البلد وارجع اعيش ف القاهرة زي ما كنت ، بس كل حاجة اتغيرت من وقت ما شوفتها بقيت عايز اعمل اي حاجة عشان اتغيير واثبتلها اني مش مجرد ابن راجل غني عندة سلطة علي الناس ، لازم اثبت اني اقدر اكون حاجة بنفسي وبشخصيتي مش ب ابويا او عيلتي.
هند بابتسامة :: هو ديية اللي مستنياة من ولد ابوي .
فخر :: طب يلا اطلعي ريحي شوية وانا هطلع انا كمان انام شوية عشان اصحا فايق.
* هند خرجت ولفت حوالين القصر علشان تدخل من الباب الخلفي اللي ناحية الاسطبل و اول ما قربت منة سمعت حد بيندهلها ب اسمها بصت حواليها ملقتش حد اول ما مشيت تاني سمعت الصوت ف بصت ناحية سور الجنينة لقيت حد واقف ف الضلمة وبيشاور لها انها تقرب ناحيتة ، هند قلقت لكنها بصت حواليها وفكرت ترجع لورا لكنها استجمعت شجاعتها وقربت ناحية الشخص دة و اول ما قربت منة وبقت قدامة وبصت ف ملامح وشة لقيتة ****.*
* ف نفس الوقت ف الاسطبل ( فخر ) اكل الحصان وبيلف جسمة عشان يخرج مناللسطبل حس بايد قوية بتلف حوالين وشة و بتحط منديل فية ريحة غريبة بعدها محسش باي حاجة حوالية *
#####
- Writer
