حكايات ارض السلطان ( الملحمة الثانية )

الحلقة الحادية عشر

#حكايات _ارض _السلطان

#الملحمة_التانية

#الحلقة_الحادية_عشر

______________

* شرق ارض السلطان *

* حسن نايم ومعاة راجلين واحد منهم نايم جمب حسن والتاني قاعد جمب نار ، سمع حاجة بتتحدف ناحية اليمين اول ما بص ناحيتها حس بحركة ناحية الشمال وقبل ما يلتفت اتفاجئ بخبطة علي دماغة، بعدها اغمي علية ، وقفت ( نجد ) بهدوء وبصت علي حسن والراجل التاني اللي نايم جمبة *

مشيت ( نجد ) ناحية تبة قريبة وراها الحصان بتاعها وقالت وهي بتركب حصانها ::-

- مفيش نفر هيجدر يمنعني عن اللي ناوية علية.

* ( نجد ) مشيت بحصانها ومحدش حس بيها من الرجالة، واتجهت ناحية ارض السلطان *

* ارض السلطان *

_____ قصر السلطان ________

** هند راحت للشخص اللي كان واقف مستنيها و اول ما قربت وشافت وشة لقيت انة ( ادهم ) **

هند :: انتا ايييه اللي جابك هني ؟

ادهم وهو بيمدلها شنطة ف ايدة :: جيت عشان اجيبلك الهدوم اللي كان نفسك تلبسيها ف اليوم دة .

هند :: كأيوانك اتجنيت خلجات اييي اللي تخليج تأجي لحد دارنا ف عز الفجر ؛ وكيييف اصلا عرفت طريجنا ؟؟ !!

ادهم :: الجنان كان اني اسيبك تلبسي حاجة اقل من مقامك قدام الناس اللي جايين عندك , وان كان علي طريقكم هو انا تعبت شوية عشان اول بس لقيت سواق ف موقف المركز يعرف طريق البلد ودفعتلة الطاق طاقين عشان يجبني علطول و اول ما وصلت البلد سألت عن بيت السلطان والف من دلني علية , بس كدة .

هند بابتسامة :: يعني جييت كل دية ل اجل تجيبلي التوب اللي هستجبل بية حريم فرسان وضيوف المرماح ؟

ادهم :: ﻻ انا جيت كل دة عشان اشوف ابتسامتك دي وانتي راضية عني .

* قبل ما ( هند ) ترد علية سمعت صوت قريب بيندة :: _ ميييييين هناااااك ... و ف خلال ثانيتين لقيت حوليها كذا راجل من رجالة ابوها وهما ماسكين السلاح وموجهينة ناحية ( ادهم ) وفي كذا كشاف اتنور عليهم .. وبقت واقفة مشلولة من الصدمة وبصت ناحية بلكونة اوضة ابوها شافتة واقف بيبصلها بغضب ما بعدة غضب *

____ داخل القصر _____

* سلطان نازل علي السلالم بعد ما الرجالة دخلوا ( هند ) و ( ادهم ) *

سلطان بغضب :: انتا مييين يا وااد واييه اللي خلاك تتعدا علي جصر السلطان دة حكمدار المحافظة ميجدرش يدخل داري ف وجت زي دية و بدون اذني , وﻻ يكونش شيطانك وزك تسرج الدار , شكلك غريب مش من اهل البلد , انطج يا واد جبل ما اخلي ايتوها نفر من الرجالة دي يطخك ونعلجوك علي باب الدار كييف الدبيحة ..

* ادهم واقف ساكت مش عارف يتكلم يقول ايي *

هند اتكلمت بسرعة :: ديية يا ابوي بتاع الجماش من الميركز وكت طالبة منية التوب اللي هستجبل بية الحريم ف الصبحية ومكنوش خلصوها ف جابوهلي عشان الحج اخدة منيهم , واهو التووب يا ابووي .

* حميدة كانت خرجت من المطبخ وسمعت وشافت كل اللي حصل **

حميدة بصت ل هند لقيتها بتبصلها ب رجاء واستعطاف ف بصت ل سلطان اللي كان بيبص ل ادهم ب شك **

حميدة :: ايوووة يا سيدنا حديت ستي هند حوصل ودية بتاع الجماش اللي ف الميركز واحنا جلنالة يجيب التوب وجت ما يخلص عشان ستي هند تلحج تلبسة جبل وصول الضيوف .

سلطان :: روح يا واد منك لية اندة سيدك ( فخر ) من اﻻسطبل عشان يحضر اللي بيحوصل دية .

* سلطان قعد علي كرسي و بص علي يمينة وفكر ف ( حات ) و ( مور ) ف ظهرو من غير ما حد يشوفهم او يسمعهم غيرة كالعادة *

سلطان اتكلم بافكارة مع ( حات ) و ( مور ) *

سلطان :: اني ممصدجش اللي بتجوله بتي , اكشفولي الحجيجة .

حات :: انها تقول الحقيقة ولكنها تخفي شيئا .

مور :: الخادمة تكذب لمساعدة ابنتك , ولكن الشاب جاء بالفعل ليعطي ابنتك الثوب المصنوع لها .

سلطان :: وايييه اللي مخبينة عليا ؟

* قبل ما ( مور ) تجاوب دخل الراجلين وهما شايلين ( فخر ) وهو مغمي علية **

* هند جريت علي فخر *

* سلطان قام وقف وراح ناحية فخر و هو مخضوض علية **

* هند و سلطان قربو من فخر بعد الرجالة ما نزلتة علي الكنبة **

سلطان :: حوصل اييه مالة ولدي ؟؟

هند حضنت اخوها وبقت بتبكي علية *

سلطان بيحاول يفوقة لكن مفيش فايدة :: حوصل ايي يا ولد المحروج منك ليية ؟؟

واحد من الرجالة :: تلاجي حصان رفسة يا سيدنا .

سلطان بغضب :: رفسة الحصان متعملش كدي يا بغل منك ليية .

* ادهم كل دة كان واقف مكانة مابيتحركش من القلق , بس بيتحرك ناحية ( فخر ) وبيقرب منة *

ادهم :: بعد ازن حضرتك ممكن اشوف مالة ؟

سلطان :: وانت يا بتاع الجماش هتعريف ولدي فيية اييية ؟ !!

ادهم :: حضرتك انا والدي كان دكتور وانا واخد دورات في اﻻسعافات اﻻولية .

سلطان بص ل هند انها تبعد عن ( فخر ) و اول ما هي بعدت ( ادهم ) قرب وبدا يشوف النبض بتاع ( فخر ) وحاول يفوقة بالطرق التقليدية لكن مفيش فايدة , قرب من وشة ( فخر ) وشم ريحة وشة كلها **

سلطان :: هتتشمم ف وش ولدي ليية ؟؟

ادهم :: ابن حضرتك متخدر ؟

سلطان :: متخدر كييف اني ولدي مهيشربش حاجة غلط ابدا .

ادهم :: ﻻ انا اقصد انة وشة علية ريحة م**ر بنج ودة معناة انة حد رش علي وشة او شممة لية باي شكل .

سلطان :: هيفوج ميتا ؟؟

ادهم :: صعب يتحدد هيفوق امتا , ﻻن دة يختلف من نوع ل نوع وكمان علي حسب الكمية اللي استنشقها .

سلطان :: ماشي يا ولدي متشكرين روح مع الرجالة هياخدوك دار الضيافة لحد طلة السمس تحضر ويانا المرماح وتاخد واچب الضيافة انتا ضييف السلطان .

ادهم :: شكرا يا حاج بس انا الصبح ﻻزم اكون ف مركز المحافظة .

سلطان :: انتا جييت حدانا بمزاجك واحنا مهنحبسكش بس بردك مهترضاش تشيلنا العيبة احنا صعايدة يا ولدي واكرام الضيف اعز من اهل الدار .

ادهم :: اللي تشوفة حضرتك .

* الرجالة خرجت و وادهم معاهم وهند فضلت واقفة مكانها *

سلطان :: يا ترا مييين ديية اللي عيمل كدي ومصلحتة ايية , وميين من اصلة تجييلة الجراءة يدخل داري ويعمل كدي ف ولدي ؟!!

هند :: ما يمكن يكون الهچامة يا ابوي؟؟!!

سلطان بتفكير عميق :: اللي حوصل ل فخر ديه مالهوش صالح بالهجامة , اللي عيمل كدي جاصد يبعد ولدي فخر مجصدوش يجتلة عشان كدي خدرة .

هند :: واللي عيمل كدي هيستفاد ايي يا ابوي ؟؟

سلطان :: جراء ايي يا هند ده اني بجول انتي وارثة مني المخ النضيف , ف الصبح سباج المرماح واللي عيمل كدي جاصد يبعد فخر من السباج , وعايزنا نخسروة .

هند :: والعمل يا ابوي , دة فخر كييف ما جال الراجل مهيفوجش جريب و ف علم الغيب هيفوج ميتا !!

سلطان :: مفيش عمل يا بتي , باينه مكتوب ان بكره اسم العيله ينزل اﻻرض وتترفع ف السباج رايه عيله تانيه غيرنا .

** بعد ساعات مع شروق الشمس بدا كبار العائلات والفرسان بالحضور من المحافظات التانية , وسلطان ف استقبالهم و هند ف القصر بتستقبل الحريم وتضايفهم .

** بدا الفرسان بركوب احصنتهم للتحمية استعدادا للسباق * دخل ( عوني ) * خطيب هند * علي حصانه و هو ماسك رايه عليها شعار الاسد رمز عائله السلطان *

سلطان :: انت هتعمل ايي يا ولدي واييه اللي دخلك السباج ؟؟

عوني :: هدخل المرماح كييف باجي الفرسان يا سيدنا , اني عرفت اللي حوصل ل سي فخر من الرجاله اللي حارسين الدار , وجلت لازمن اسد بكانة عشان اسم العيله .

سلطان :: واني مهمنعكش يا ولدي , انت ولد اصول وفيك الخير , بس يا ولدي مهينفعش تسابج ف المرماح وانت رافع رايه السلطان .

عوني :: ليه يا سيدنا ؟!!

سلطان :: ديه جانون السلطان الكبير ان محدش يشيل الرايه بتاعتة الا اللي من نسله وانت يا ولدي من الفرع التاني ف العيله ما انتاش من نسل السلطان الكبير .

عوني :: اللي تشوفة يا سيدنا اني هدخل السباج من غير الرايه .

* بعد شوية بدا الفرسان يقفو عند خد البدايه استعدادا ل بدايه السباق *

* دخل حصان ابيض بسرج ولجام ذهبي ومرصع بالجواهر وراكب عليه فارس ملثم و رافع رايه ب شعار الاسد رمز عائله السلطان * الناس هللت وفرحت *

احد كبار العائلات :: ايوة كدي يا سيدنا , ولدك دخل السباج وهيرفع اسم العيلة كييف ابوة .

* سلطان مش عارف ينطق من الاندهاش بص حواليه وفكر ف ( حات ) و ( مور ) *

سلطان :: مين ديه اللي راكب حصاني ورافع رايه السلطان !!!

حات :: لا داعي للاستغراب يا سيدي انها ابنتك الصغيرة .

سلطان :: بتي هند لييه تيعمل كدي ؟!!!!

مور :: يبدو انها ابت ان يلحق بك عار الخزي من عدم مشاركة اخيها ف الرمامح ف قررت ان تحل محله .

سلطان :: لازم تخرج مهينفعش حورمة ترفع رايه السلطان , هو ديه العار ب ذاتة , الناس عتجول العيلة مبجاش فيها رجاله ومفضلش غير الحريم اللي تجلب الفخر .

حات :: سبق السيف العزل يا سيدي السباق علي وشك ان يبدا واي شئ ستحاول فعله سيكشف عن هويتها امام الناس وساعتها ستصير فضيحة ..

*قرب سلطان من خط البدايه واتكلم بصوت عالي *

سلطان :: ف الاول احب ارحب بكل العائلات والفرسان اللي شرفونا النهاردة ف سباج المرماح , والسباج المرة دي غير اي مرة , ديه سباج جهنم وبيتعمل مرة كل خمسين سنه , ودي مش هيكون سباج مرماح عادي , عند خط النهايه فيه صخرة مغروس فيها سيف جدي السلطان الكبير , واللي بيوصل للسيف الاول بيبجا ليه حج الحكم علي ارض السلطان , بس شرط يكون من اهلها غير كدي يا ياخد السيف يا يجبل دية ندفعهالة مجابل انة يترك السيف وبيتحفر اسمة علي السيف .

* سلطان طلع مسدسة ورفعة ل فوق استعدادا ل ض*ب طلقة البداية ل انطلاق السباق وقبل ما يضغط علي الزناد وصل ل خد البدايه حصان اسود وعليه فارس ملثم بالاسود ورافع رايه عليها رسمة ل ذئب مرسومة بالدم , و ورا الحصان ذئب اسود وقف وهو بيزوم علي اي حد يبصلة *

سلطان نزل مسدسة وبص للفارس :: نتشرف بالفارس الكريم اني معمريش شوفت رايه الديب دي اترفعت ف المرماح جبل سابج .

الفارس بصوت تخين وخشن :: ابدا السباج ل اجل يبان مين الاحج .

* سلطان رفع ايدة وض*ب رصاصة ف الهوا ف انطلق كل الفرسان بسرعة شديدة

* بدا السباق و ( عوني ) كان متقدم علي الجميع وبعدة ( نجد ) وبعدها ( هند ) * لكن هند قدرت توصل ل ( نجد ) وبقت جمبها *

هند :: اييه اللي جابك المرماح , انتي جلتي انك كارهة ارض السلطان باللي فيها .!

نجد :: الارض ولادة واني جييت ل اجل الحج .

هند :: الحج لينا ول نسل السلطان ..

نجد :: هيبان يا بت السلطان .

** انطلقو الاتنين بسرعة شديدة بينافسو بعض لحد ما وصلو ل ( عوني ) وبقو مساويين ليه واستمر التلاتة ف الانطلاق بسرعة لحد ما ظهرت قدامهم الصخرة اللي مغروس فيها سيف السلطان , ( عوني ) طلع خنجر وقطع بيه السرج بتاع حصان ( نجد ) لكن قدرت بصعوبة شديدة تحفظ توازنها ومتقعش واتقدمت ( هند ) عنهم وحصلتها ( نجد ) و قربوا من الصخرة هما الاتنين من كل ناحية ومدو ايديهم وهما بيقربوا من السيف والاتنين ميلو جسمهم وكل واحدة مسكت مقبض السيف ف نفس اللحظة

( عوني ) طلع مسدسة و جهو ناحيتهم و ض*ب النار والرصاصة اصابت واحدة منهم واختفو هما الاتنين ف نفس اللحظة هما والسيف *

****

* الحلقة القادمة حكاية سيف جهنم #امراة_من_نار *