الحلقة التانية #بنت_المساخيط الجزء الثاني
3107 Words
#حكايات_ارض_السلطان
#الحلقة_التانية
#حكاية_بنت_المساخيط الجزء الثاني
_____________
مرحبا يا عزيزي اعلم ان انتظارك طال لمعرفة مصير فريدة وكشف غموض العمة هند وطبعا تريد ان تكمل حكاية بنت المساخيط فمازالت نجد انثي بشراسة ذئبة جبلية ربتها امراة استثنائية اظن ان الحكاية هذة المرة ستكشف اسرار لم يكن يتوقعها احد , بدات في كل الحكايات السابقة من النهاية وبعدها اخبرتك البداية لتفهم كيف وصلت الامور الي هذا الحد
والان الامر يختلف ف تلك الحكاية تخفي اسرار تحمل الكثير من الحب والدماء ومن الماضي وحكايات الحب والدماء الي الحاضر وحكاية رحيل ومهيب ومصير كل منها
لا اظنك في حاجة ل تذكيرك ب من انا , بالطبع انا ولهان حارس حكايات واسرار وكنوز ارض السلطان
قبل ان نبدا اريد ان اخبرك سرا صغير #توقع_الا_تتوقع ف القادم دوما سيكون ع** كل التوقعات
_______________
#جبل الهجامة وقت شروق الشمس *
_______
* واحد من رجالة الهجامة داخل بيجري علي القاعة الكبيرة اللي فيها ديبة الجبل وباقي الرجالة **
الهجام :: الحجي يا ديبة ؟
ديبة الجبل :: خبر ايي يا واد كأنك شوفت عفريت ؟ چك عفريت يسخطك جرد انطوج يا واد .
الهجام :: روحت للرچالة اللي لابدين علي الچبل الشرجي ملجتهمش فضلت اتلفت عليهم لحد ما لجيتهم مرمين ف الصحراء وجتتهم متجطعة و واكلاها الديابة .
ديبة الجبل بتوتر :: كام واحد منيهم يا واد ؟
الهجام :: التلاتة يا ديبة .
ديبة الجبل :: هيكون مين طخهم كلاتهم ؟ ملجتش جتة حد تاني يا واد ؟
الهجام :: لا يا ديبة ملجتش غير جتتهم والديابة نهشاهة ومجطعاهم مفيش غير جتة واحد منيهم اللي الديابة مچتش چمبيها واصل ودية مضروب بالنار انما التانين معرفش مضروبين ولا لاا من النهش اللي ف جتتهم .
ديبة الجبل بتوتر :: طب شيع خبر ل حسن ياچي دلوك .
* بعد دقايق كان دخل شاب ف اوائل العشرينات بيجري *
حسن :: اؤمري يا ديبة اني چتلك چري خير يا ست الناس ؟
ديبة الجبل :: تعال معايا وهات معاك فاس عشان هتحفر ف الرملة .
حسن بخوف :: لية يا كبيرة اني عميلت اي ؟
ديبة الجبل بضحك :: ايي يا واد ما تنشف اومال , مهجتلكش يا دهول بينا يلا جوام .
** بعد نص ساعة كانو وصلو ل مكان الجثث *
حسن :: ايي دية يا ديبة مين اللي يجدر يجتل رجالة الهچامة ؟
ديبة الجبل :: حسك عينك تجول اتجتلو , انتا مهتجولش غير ان ديابة الچبل اتكاترت عليهم وجتلتهم وانك لما فتشت كتير لجيت جتة ديب مضروب بالنار ودفنتة معاهم .
حسن :: لية يا ديبة احنا لازمن ناخد بطارهم عشان محدش يستجرا يجرب من رجالة الهچامة وتفضل الناس تهابنا .
ديبة الجبل :: كأنك عايزها عركة يا ولد عوض .
حسن :: الله يرحمة يا ديبة متچبيش سيرة ابويا الا لو ورااها حاچة عايزة تجوليها .
ديبة الجبل :: واعي ونبية كيف ابوك الله يرحمة , احفر وادفن الرچالة دي ولما تخلص نتحدتو .
* بعد اكتر من ساعة من الحفر علي عمق كبير عشان الديابة ما تشمش الريحة وتنهش الجثث خلص ( حسن ) ودفن الرجالة وراح ل ( ديبة الجبل ) اللي كانت قاعدة بعيد مستنية انة يخلص *
حسن :: اديني تاوتهم يا ديبة جوليلي بجا ايي الحكاية ؟
ديبة الجبل :: بص يا واد زمان لما ابوك الله يرحمة مات اني جلتلك ابوك دية كان راچل ومات علي حج بس مجولتلكش حوصل اي .
حسن :: كل اللي اعريفة ان سباعي كبير الهجامة جتلو وانتي خدتي بطارة .
ديبة الجبل :: الحجيجة يا ولدي ان ابوك كان راچل بصحيح وكان عايز يخلص من ظلم سباعي للهچامة بس سباعي كان عايز يجتلني اني وهو لولا ابوك فداني ب روحة .
حسن :: اومال مين اللي خد طار ابويا يا ديبة مين اللي جتل سباعي ؟
ديبة الجبل :: اللي خد طار ابوك وجتل سباعي هو بردو اللي جتل الرجالة دي , جولي بجا ترضي تاخد طارهم منية ؟
حسن :: هو مين يا ديبة ؟
ديبة الجبل بتناولة سلاحها :: جولي الاول ترضي تروح تاخد طار الرچالة دية منية دلوك ؟
حسن :: لااه دة اني افدية ب روحي اللي خد طار ابويا هيفضل چميلو دين ف رجبتي طول العمر يا ديبة .
ديبة الجبل :: حتي لو امرتك تروح دلوك تجتلة ؟
حسن :: مجدرش اعصالك امر انتي اللي ربتيني وربيتي ابويا من جبلي بس دة دينة ف رجبتي مجدرش اجتلة .
ديبة الجبل :: عفارم عليك يا واد تمرت فيك الرباية وطلعت راچل كيف ابوك الله يرحمة صحيح اللي خلف مماتش .
حسن :: جوليلي بجا مين هو الراچل اللي دينة ف رجبتي ؟
ديبة الجبل :: مهواش راچل يا ولدي .
حسن :: يأك هتجوليلي جن من اللي ساكنين الجبال ولا هتجوليلي ولهان اللي عايحرس ارض السطان وهيخوفو بية العيال الصغيرة .
ديبة الجبل :: ابلع ل**نك يا واد اني هحكيلك كل حاجة حوصلت زمان .
** ديبة الجبل حكت ل ( حسن ) حكاية ( نجد ) واللي حصل زمان بس من غير ما تقولة علي الاثار الموجودة ف المقبرة لانها مقتنعة انها ملعونة بالموت للكل لكن قالت ان نجد عايشة ف كهف مداري **
حسن :: ياااااة يا ديبة كل دة خفياة لحالك .
ديبة :: العيشة ف الجبل تخلي الرمل حجر صلب مايت**رش يا واد.
حسن :: جوليلي يا ديبة هي نجد دي عايشة كدي لحالها السنين دي كلاتها ؟
ديبة الجبل بضحك :: يأك فاكرها كييف باجي الحريم دي تربيتي يا واد , دي تجدر علي عشرة من عينتك لحالها .
حسن : بلاها غلط يا ديبة جوليلي صوح كييفها عايشة كدي ؟
ديبة الجبل :: اني بزوغ من الجبل من فترة للتانية وبروح اجعد معاها شويتين واعاود تاني ولما يكون في مولد ف المركز باخدها و نروح نجضي ليلة المولد ونرجع .
حسن :: ولية خفيتي سرها السنين دي كلاتها ؟
ديبة الجبل :: عشان اللي حوصل يا ولدي محدش كان ينفع يعرفوة واصل , والاهم من كل دية بجا هو السر اللي محدش لازمن يعرفوة واصل .
حسن :: سر اي تاني يا ديبة كأيوانك بيرة اسرار ومالوش اخر .
ديبة الجبل :: نجد اصلها من ارض السلطان و لو كت خدتها تعيش ف الجبل بعد سباعي ما مات كان الحديت هيتنطور لحد ما يوصل ل سيدنا سلطان وساعتها هيهد الجبل علي دماغتنا كلاتنا عشان ياخد البت الهجامة يا ولدي ما بيكتموش سر واصل وبالذات حريمهم , واللي سباعي عيملة زمان ف اهل نجد سيدنا سلطان مش ممكن ابدا يسامح فية .
حسن :: الحديت دية اديلة ياما ولو كان عايز يعمل حاجة كان عميلها زمان ؟
ديبة الجبل :: ارض السلطان مابتنساش طارها يا ولدي لازمن ياخدو روح جصاد روح واللي ماتو كان عيلة بحالها يعني كان هيروح فيها كتير جوي , و لولا ان الحكاية اتعملت كأيوانها طار بين عيلتين مكنش سيدنا سلطان سابنا واصل ولحد دلوك محدش عارف ف ارض السلطان مين اللي عيملها .
حسن :: جوليلي بجا يا ديبة , انتي لية عتحكيلي كل دية دلوك بالذات ؟
ديبة الجبل :: عشان اني بكبر مبصغرش وبكرة ولا بعدة الهجامة يكون ليها كبير تاني من بعدي واني من زمان واني ناوية اخليك كبير للهجامة من بعدي .
حسن :: ربنا يد*كي طولة العمر يا ديبة , احنا مالناش بركة الا انتي .
ديبة الجبل :: المهم دلوك كل اللي جولتهولك دية يبجا سر بيناتنا ومحدش يعرفة واصل .
حسن :: السر ف بير يا ديبة , بس اني ليا طلب ونفس توافجي علية .
ديبة الجبل :: عارفاة يا واد .
حسن :: اني عايز اشوف نجد دي .
ديبة الجبل :: مش وجتة , دلوك لازمن ترجع الجبل وتجول للرجالة زي ما فهمتك ف الاول وان كان علي الراجل اللي لجا الجتت ف الاول مهينطوجش بحرف من غير اذني .
حسن :: امرك يا ديبة , بس وعد تخليني اشوفها جريب .
ديبة الجبل :: متجلجش يا واد بكرة هتاچي معايا نطل عليها , يلا هملني دلوك و روح نفذ اللي جلتلك علية .
حسن :: الا جوليلي يا ديبة هي نچد حلوة ؟
ديبة الجبل :: امشي يا واد بدل ما اطوخك جال حلوة دة نجد ست البنات .
حسن :: اني ماشي يا ديبة وهستنا تاخديني عشان اشوفها .
* ديبة الجبل فضلت باصة ل حسن اللي ركب حصانة ومشي بية ناحية الجبل وهي مبتسمة وبتقول بصوت واطي :: ياريت يا ولدي لما تشوفها يحصل زي ما بتمني .
واتحركت بحصانها عشان تروح ل ( نجد المقبرة ) **
________
# ف_المقبرة عند نجد
_______
فخر :: وقفتي الحكاية لية ؟
نجد :: الوجت ازف ودية معاد مشيانك النهار طلع اديلة ياما .
فخر :: يعني خلاص كدة هتسبيني امشي ؟
نجد :: يأك كت فاكرني حبساك جلتلك انت ضيف ما انتاش محبوس هني .
فخر :: طب ممكن تشيلي الغمامة اللي علي عيني وتفكيني عشان اقدر امشي ؟
نجد :: لااه بس خليك زي ما انتا وما تتحركش واصل .
** ( نجد ) شدت الفرش اللي نايم علية ( فخر ) ولفت اطرافة علي البندقية بتاعها وبدات تسحبة ناحية النفق عشان تخرج بية زي ما جابتة وفعلا فضلت تسحبة ف النفق وكان الموضوع صعب جدا ومتعب لكنها قدرت تخرج بية لحد فوق وخرجت من الفتحة و وقفت تاخد نفسها *
فخر :: طب لية تتعبي نفسك كدة ما كنتي فكيني علي الاقل وبلاش تشيلي الغمامة انا مكنتش هشيلها وكنت هتحرك بسهولة اكتر بدل ما باين من نفسك انك تعبتي اووي .
نجد :: مالكش صالح ب تعبي خليك ف حالك .
فخر :: بقا مش خسارة الصوت الرقيق دة يتعب التعب دة كلة ؟
نجد :: يمين بالله لولاا انك مضروب بالنار وانا عداك ضيفي ل كت وريتك الرجة علي حج اني ماليش ف الحديت الماسخ دية .
* ( نجد ) سابتة وراحت لحد الكهف اللي ربطت فية الحصان بتاعة جمب حصان من احصنة الهجامة اللي هاجمو ( فخر ) وبعد كدة راحت لحد عندة وساعدتة يركب حصانة بعد ما فكت رجلية وركبت حصانها وفضلت ساحبة حصانة جمبها لحد ما قربت من ارض السلطان ف وقفت الاحصنة وفكت ادية **
فخر :: اشيل الغمامة دي ولا لسة ؟
نجد :: شيلها .
* ( فخر ) شال الغمامة بسرعة وبص ناحية ( نجد ) لقاها ملثمة ومش باين منها غير عينيها ف كشر وبان علية خيبة الامل *
فخر :: انتي لية متلتمة كدة ؟
نجد :: مالكش صالح , دلوك ارچع ارض السلطان وانسي انك شوف*ني .
فخر :: طب بلاش وشك , ممكن ارجع اقابلك تاني ؟
نجد :: ما تفكرش ترچع تاني عشان مهتلاجنيش واصل .
** شدت ( نجد ) لجام حصانها وجريت بية ف اتجاة الرجوع و ( فخر ) متابعها لحد ما الفت ورا اول جبل قا**ها وقف دقيقة باصص ناحيتها وبعدها اتحرك ناحية ارض السلطان * و نجد بعد ما اتحرك ظهرت وفضلت متابعاة لحد ما اطمنت انة دخل زمام ارض السلطان بعدها رجعت للمقبرة وبعد و وصولها ب نص ساعة وصلت ( ديبة الجبل ) وبصت حوالين الصخور وشافت اثار سحب الفرش علي الرملة واثار الاحصنة ولما وصلت عند مدخل النفق نزلت وشافت اثار السحب ف النفق لحد ما نزلت المقبرة نفسها ولقت ( نجد ) نايمة علي فرشتها **
ديبة الجبل :: اصحي يا نجد مش بعادة تنامي دلوك يعني ؟
نجد :: معلش يا اما فضلت صاحية الليل كلة مع الديابة .
ديبة الجبل :: اومال هما فين مش شايفاهم يعني ؟
نجد :: صرفتهم الصبح يصطادو ل حالهم .
ديبة الجبل :: جوليلي يا بتي من ميتا وانتي بتتهجمي علي الهجامة ؟
نجد اتوترت :: والله يا اما ما كت جاصدة بس اهو اللي حوصل .
ديبة الجبل :: جوليلي هما جم هني ولجيوكي برة المجبرة عشان كدي جتلتهيم عشان ما يجروش عليكي ولا هما اتجمو عليكي ؟؟؟
نجد :: الصراحة يا اما لا دية ولا دية .
ديبة الجبل :: لو كتي جلتي غير كدي مكتيش تبجي بتي ولا اعريفك , جوليلي بجا اللي حوصل الرجالة مجتولة بعيد عن هني ب ياما اي خلاكي تجتليهم وانتي عارفة مكان الرجالة ف كل مكان زي ما انا موعياكي يعني تعرفي تبعدي عن طريجهم ؟
نجد :: الصراحة يا اما انتي ربتيني ان الغريب لية حج عندينا صوح ؟
ديبة الجبل : صوح يا بتي , بس اتحدتي طوالي اني صبري نفد .
نجد :: الصراحة يا اما كت طالعة مع الديبين ( صخر ) و ( رعد ) نصطادو وشوفت واحد راكب حصان وباين من خلجاتة انة غريب كان لابس خلجات من بتوعات الرجالة المصاروة اللي عشوفهم لما بروح معاكي المولد , بس تابعتة من بعيد لحد ما لجيت رجالة الهجامة ض*بوة بالنار ف جريت عليهم اني و ( صخر ) و ( رعد ) وخلصنا عليهم ولحجنا الراجل جبل ما يخلصو علية وبس .
ديبة الجبل :: كملي حديت وراح فين الراجل دية دلوك زمانة جال للخلج كلاتها عليكي .
نجد :: لاااه يا اما اني خدت حذري ** نجد حكت ل ديبة الجبل كل اللي عملتة وانها كتفت فخر وغمت عينية لحد ما رجعتة ل ناحية ارض السلطان وبعد كدة رجعت المقبرة من غير ما حد يكون وراها **
ديبة الجبل :: جلتلك يا بتي مالكيش صالح بالهجامة واللي بيعملوة اني مش عايشالك العمر كلة .
نجد :: ربنا يخليكي ليا اما اني ماليش غيرك , اطمني عليا .
ديبة الجبل :: مهطمنش واصل الا لما تبطلي شجاوة واشوفك مستورة ف مع راجل يصونك ويحافظ عليكي .
نجد :: ما بلاها الحديت دية يا اما انتي خابرة زين اني معيزاش اتجوز واصل م, مفيش راجل هيملا عيني ابدا .
ديبة الجبل :: طب اعملي حسابك حسن ابن عوض الله يرحمة هيأچي معايا بكرة بس عايزاكي تجعدي ف الكهف اللي يمة الصخر مهعرفوش المجبرة واصل .
نجد باستغراب :: من ميتا عتعرفي حد مكاني ولا هتخليني اجابل حد غير الخلج الللي عنشوفهم ف الموالد ؟؟؟
ديبة الجبل :: بكرة وبعدة حسن يبجا الكبير من بعدي وهو اللي هيبعد الهچامة عنيكي زي ما بعمل وزي ما عميلت النهاردة عشان كدي كان لازمن يعريف واهو النهاردة هو اللي دارا عليكي مش اني , وحسن مش غريب دة تربيتي وابن الغالي الله يرحمة ولا نسيتي ابوة واللي عيملة عشانا زمان ؟
نجد :: مينساش الچميل الا جليل الاصل يا اما .
ديبة الجبل :: ربنا يكملك بعجلك يا بتي , واهو حسن يشوف طلباتك من وجت للتاني بدل ما اني خلاص مبقتش اعريف اخرج كتيير من الچبل زي الاول , خلاص يا بتي اني كبرت ومبجتش اتحرك زي الاول .
نجد :: متجوليش كدي يا اما دة انتي اصبا ميني لولا العيبة كت جولتلك اتچوزي .
ديبة الجبل :: يخيبك بت ال اتچوز دة اللي جدي ف السن عيال عيالهم بيتچوزو .
نجد :: ربنا يد*كي الصحة يا اما وهو حد هيلاجي ف جمالك مهما كبرتي جمالك مهيروحش واصل يا جمر .
ديبة الجبل بضحك :: بكفاياكي بكش احسن اتغر وارجع الچبل اتجوز , * بتتكلم جد * عشان خاطري يا بتي حرصي من ارض السلطان ومتهوبيش ناحيتها ولا ناحية ناسها .
نجد :: حاضر يا اما اني مخالفتش حديتك واصل وعلطول ببعد عن الهچامة وعن ارض السلطان لولا الغريب دية مكنش حاچة حوصلت .
ديبة الجبل :: طب يا بتي تعالي اجرالك الكف .
نجد :: يا سلام دلوك عايزة تجريلي الكف ما انا اتحايلت عليكي ياما تجريلي الكف , ولما بنكون ف الموالد مبترضيش توافجي ان واحدة من حريم الغجر تجرالهولي .
ديبة الجبل :: المستخبي يا بتي ميسرش دايما عشان كدي مكتش بجرالك الكف عشان اني بخاف عليكي اكتر ما بخاف علي روحي انتي نور عيني يا نچد .
نجد حضنت ديبة الجبل :: ربنا يخليكي ليا يا اما.
* ديبة الجبل مسكت كف نجد وبصت فية شوية وهي بتقول كلام غريب زي طلاسم كدة نجد مفهمتهاش *
ديبة الجبل وعينية بتترعش :: المجدر هيصيبك يا بت الديابة , والاسد هيغرج ف بحر دم الديابة و ولهان بيحوم مستني المجدر يتم عشان يخرج ف احذري منية , هيجيلك الموت ومش هيفارج الا وهو واخد روح معاة , ويا عالم هتكون روح مين اللي دمها هيروي رمل الصحراء .
* وقعت ديبة الجبل علي الارض مغمي عليها لدقايق و فوقتها نجد اللي اتخضت عليها اووي **
نجد :: انتي بخير يا اما ؟؟
ديبة الجبل بتاخد نفسها وبتحاول تهدا :: اي يا بتي محصولش حاجة يعني مش جلتلك اني كبرت وخلاص مبجتش زي زمان .
نجد :: مالك يا اما اني اتخلعت لما وجعتي من طولك بعد ما فضلتي تجولي الحديت اللي مفهمتش منية حاجة واصل دية بس خوفت جوي منية .؟
ديبة الجبل بتوتر :: متخافيش من حاچة واصل يا بتي , دة حديت من بتاع الغچر اني نفسي مهفهموش .
نجد :: طب ارتاحي دلوك وناميلك هبابة .
ديبة الجبل :: لازمن ارجع الجبل دلوك حسن سبجني اديلة ياما والرجالة كدي هتسعوجني كلها سواد الليل وبكرة هجيلك اني و حسن .
نجد :: طب ريحي شوية وبعد كدي ارجعي الجبل .
________
#ارض_السلطان
______
* هند داخلة ل ابوها سلطان الاوضة بتاعتة *
هند :: خير يا ابوي شيعتلي ف حاچة ؟
سلطان :: خير يا بتي اطمني , كت عايز اتحدت معاكي ف موضوع كدي .
هند :: اتفضل يا ابوي .
سلطان :: بجا الحكاية ان عوني جريبنا طلب يدك مني وانا وافجت مهو مهينفعش تتچوزي من برة العيلة .
هند :: بس اني يا ابوي مكتش بفكر ف الجواز دلوك ومعيزاش اتچوز دلوك واهملك ل حالك وانت تعبان كدي .
سلطان :: مالكيش صالح بصحتي انا هبجا زين لما اطمن عليكي واشوفك ف بيت جوزك جبل ما اموت .
هند :: بعد الشر عليك يا ابوي .
سلطان :: جصر الحديت جلتي ايي ؟
هند :: مجدرش اجول حاچة بعد كلمتك يا ابوي .
سلطان :: عين العجل يا بتي ربنا يسعدك ويفرح جلبك زي ما فرحتيني دلوك .
هند :: ربنا يد*ك طولة العمر وتچوز اخوي فخر وتچوز عيالة كمان .
سلطان :: مبجاش ف العمر كد اللي راح يا بتي و فخر اخوكي واخد طباع المصاروة ومش لادد علية العيشة التجاليد هني .
هند :: متجولش كدي يا ابوي اخوي فخر زينة الشباب هو بس اللي اديلة ياما عايش ف مصر وحبة كدي وهيرچع ل اصلة دية من دم السلطان .
سلطان :: والله يا بتي اوجات بجول ياريتة عندة نص العجل بتاعك دية .
هند :: يا ابوي فخر بكرة يعجل ويبجا زييك كدي ونتباهو بية وسط البلد كلاتها .
سلطان :: عشمان ف ربنا اشوف اخوكي فخر كبير البلد كلاتها جبل ما اموت يا بتي .
هند :: ربنا يد*ك طولة العمر يا ابوي انتا كبيرنا وسيدنا وتاج رأسنا كمان .
سلطان :: حضري روحك السبوع الچاي هتنزلي الميركز مع الحريم تشتري شوية خلجات ولوازم عشان چهازك تچيبي كل اللي نفسك فية ميهمكيش حاچة يا بتي .
هند :: معيزاش غير رضاك يا ابوي .
سلطان :: راضي عنك يا بتي , يلا روحي دلوك , جوليلي الاول اخوكي فين مچانيش من عشية ؟
هند بتردد :: خرچ من الصبح بدري ولسة مرجعش اول ما يعاود هخلية يچيك طوالي يا ابوي .
* خرجت هند من اوضة سلطان وهي مش عارفة تعمل اي ف موضوع فخر بعد ما كدبت علي ابوها وخافت تقولة ان فخر منمش ف القصر , نزلت تحت وخرج تلف حوالين القصر لحد ما دخلت الاسطبل لقيت حصان فخر موجود وسلطان نايم جوة وسط التبن والعلف بتاع البهايم والاحصنة *
* اول ما شافت كتفة فية دم صرخت ووحاولت تصحية مفقش ف ندهت علي الرجالة شالوة طلعوة اوضتة وبعتو جابو دكتور **
___________
بالنسبالي دي تعتبر البداية الحقيقة للملحمة التانية لانها بتأسس كل حاجة زي ما انا متصور
مستني رايكم وتوقعاتكم للشخصيات والاحداث متبخلوش عليا بتعليقاتكم
- Writer
