-Jenn-
“Susunduin ka ba ng kapatid mo beshy?” Tanong ni Trisha sa akin habang inaayos ko ang aking mga gamit.
“Baka hindi. Nag txt kasi siya kanina na baka gagabehin siya ng pag-uwi dahil may report pa sila.” Sagot ko naman sa kanya. Ngumuso siya at parang nawalan bigla ng gana kaya marahan ko siyang kiniliti sa kanyang tagiliran ngunit walang epekto. Matindi talaga ang tama nito kay Josiah.
“Miss mo ba?” Sambit ko. Napatingin siya bigla sa akin. Tumango-tango siya pero nakanguso parin. Napangiti ako dahil sa kanyang paghihitsura. “Gusto mo sa amin ka nalang matulog? Birthday bukas ni Josiah..” Yakag ko sa kanya. Awtomatikong nag liwanag ang kanyang mukha dahil sa aking sinabi. Parang bumalik agad ang kanyang sigla.
“Talaga, beshy? Seryoso ka? Kaso...baka ayaw niya akong makita.”
“S
