CHAPTER 09
'Destiny???'
Bagsak ang mga balikat ko nang pumasok na ako sa bagong bahay na titirhan ko dito sa Pilipinas. Hindi ko pa masyadong makita ang kabuoan ng unit na toh dahil nakapatay pa ang ilaw at tanging yung liwanag lang sa labas na nagmumula sa transparent sliding door ang nagsisilbing tanglaw ko pero kahit ganon ay hinayaan ko na lang yun dahil mas gusto ko ang ganito.
Mas gusto ko ang madilim— kung gaano kadilim ang buhay ko!
Ibinato ko lang kung saan ang hawak kong purse tsaka pabagsak na umupo dito sa couch tsaka hindi ko maiwasan na mapa buntong hininga. Nakita ko pa yung mga bagahe ko sa may hindi kalayuan pero hindi ko na lang yun binigyan ng masyadong pansin.
Isinandal ko ang ulo ko sa head couch at pinilit na pakalmahin ang buong sistema ng isip at katawan ko.
