ALAS SINGKO pa lang nang hapon pero madilim na ang paligid ng bundok sa Panuran. Unti-unting lumalabas ang hamog na kumakalat sa kapaligiran. Sobrang tahimik, nakakabingi. Sa mataas na parte ng bundok na iyon nakatayo ang bahay-bakasyunan ni Nexus. Wala siyang kapitbahay, mayroon namang mga bahay na nakatayo sa bundok pero malayo-layo ang agwat sa bahay niya na kung hindi nasa itaas pa ng parte, ay nasa ibaba naman ang iba.
Sa sandaling iyon ay tulog ang dalawang tao na parehong napagod sa mahabang paglalakbay. Dahil nga sa malayo at nasa itaas pa ng bundok ang bahay ni Nexus ay umabot sa mahigit isang oras ang naging paglalakbay nila ni Divina mula sa tu-og papunta sa bahay-bakasyunan niya. Ang Tu-og ay isang pamilihan ng Panuran. Doon ibinabagsak ang kape, kopras, ube, kamote, saging,
