DIVINA WAS saved by Milo. Ang binata ang tumulong sa kaniya para makatakas sa mga tauhan ni Leon na humahabol sa kaniya. Subalit hindi siya inuwi ni Milo sa bahay kung saan sila lumulungga, sa halip dinala siya ni Milo sa Igang, Cemetery. Ang rason ni Milo, para iiwas siya nito sa magkapatid na Zandra at Hex habang wala pa si Nexus dahil sa mga sandaling iyon ay nagpupuyos ang galit ng mga ito sa kaniya dahil ipinahamak niya si Nexus.
Pero… nasaan nga ba si Nexus?
NEXUS is now in Pototan Police Station. Prenteng nakaupo sa isang silya, nakaposas ang kamay pero parang wala lang iyon sa kaniya. Nakangisi pa nga siya habang nakatitig kay Reymart De Leon. Kung gugustuhin niyang tumakas, kanina pa niya ginawa, pero dahil atat ang mga ito na hulihin siya, pagbibigyan niya muna ang mga ito, lal
